Oh watch out! 20060924

you rock 'n' rollers!

0岩0岩睇左套b級科幻片呀下，叫The Faculty。主角包括有未紅時既哈比人伊利亞活及佐殊夏歷、未來戰士2既奸機械人等等(即係， 我淨係認得佢地三個囉，其實仲有第一個被隊死既老師，我認得佢的，做Big Daddy入面做阿當山特拿個好朋友嘛)。

查資料原來導演就係羅拔洛迪古斯，即係昆頓塔倫天奴個好朋友，拍Sin City果個。如果大家記得Sin City片頭果段Customer is always right出現以及最尾係lift到扮醫生搵Becky既殺手，就係佐殊夏歷，而且係友情唔收錢咁幫洛迪古斯拍的，要黎說服Frank Miller俾佢拍Sin City用的。當然，哈比人亦都係有份拍Sin City的，做食人魔Kevin嘛。

片尾曲第一首竟然俾我聽到Liam Gallagher把聲，但我唔記得既歌！原來係收錄係Masterplan的，呢隻碟我有的！但真係聽得比較少了，搵日拎返出黎聽呀下。

之後果首，就係我頭先唱果首了！David Bowie既Changes，Ch-Ch-Ch-Changes！如果大家有睇開CSI，唔知邊輯既其中一集講變性定易服既，就係用呢首歌既chorus第一句做Title，入面都有用到首歌。(真係！我跟本冇睇CSI！但我仍然可以好記得呢D野！)

但呢到個片尾係Cover Version，唔知邊個唱的。唔，記得荷里玉版哥斯拉既片尾，都係有一首Cover David Bowie的，果首就係"Heroes"。

再早一排，又係睇有線，睇左呢個The Big Hit，無字頭四殺手！呢套真係正到爆！笑Q死我，完全係亂黎的！認得既人就只有麥克華堡。

睇下d料先過癮，導師係香港人，最後俾我搵到佢既中文名，叫黃志強，我係有線睇過一套又係古古怪怪既舊片，有呂良偉同高雄既，叫打擂台！呢套個故仔又係古靈精怪，科幻、武打、毒品共冶一爐，本身我見到呢d咁舊既片都會轉台，但呢套唔睇唔睇都忍唔住睇左好一陣子的。

對唔住，我係鍾意d怪怪地既野的。