頁一堂買殺悶思維

今朝去interview，仲要係響又一城附近，我當然順理成章去行下CD鋪同Page one。

提外話，去In，今次又好好彩！又有Test做！Yeah！四題，有一題係用Java行sql，完全未用過，唔識。最後一題先激死，問MVC Model，我頂，我記得我一年前睇newsgroup見人講過見工問呢様野云云！但我就淨係記得一年前有人講過會問，唔記得我一年前摷完睇完d料嘛！

咁我都有預感可能有Test做，Plan好哂早睡早起睇下notes先出發。到朝早七點幾我先知我JAVA d notes是沒有d/l落黎的，而個web我個ID已經login唔到！但我又冇林到呢份會問我Software Eng d野，我早排已經係阿正同淫泰處班定d 211 notes架啦……唉。

算。

咁其實我，本身並唔算好想買的。其實我覺得，李天命既書黎講，係好睇的。問題係在於，就好似李天命自己講，佢d書唔係小說，唔一定要每一部睇哂先知道講乜，佢話哲道行者係佢果十四部書既主角，我自己覺得，其實睇哲道行者真係好夠，前題係你真係用腦去睇，你係間中有思考佢所講既野。當然，如果你鍾意睇佢d抒情詩句，又鍾意用黎Quotation，咁就當然唔買唔得。(買齊一set黎儲黎講，佢寫唔寫得哂十四部都未可知啊……)而另一方面，其實佢d書娛樂性都係有的，文字好得黎d例子真係好過癮……有錢的確唔怕買。

但係！我發現佢收錄左係科大果次「座談會」既文本！咁我就唔買唔得啦下話！喂，下次有港女黎我屋企，可以拎出黎指俾佢睇：「呢個「座談會」我有去！」嘩！好型呀！好有文化呀！

挑。

本來仲有野想吹下，但好眼訓，收皮了。