不愧係David Bowie！呢隻The Rise and Fall of Ziggy Stardust and the Spiders from Mars，實在是太出色了，聽左一次已經擠進了本人的all time favourite名單了。
詳情後談。其實我呢幾日都好多野想講，但因為想用呢個正經既形式黎講，所以都係容後再議。
Keep you mouth shut！ (Moonage Daydream by David Bowie)
所以都係膠吹下算。
你都唔好話，我係電腦戴headphone聽，之後我電話響我咪返入房拎電話聽，點知我行返出黎，發現我係房門口已經可以聽到Bowie把聲！乜我真係聽得咁大聲架咩？
但，唔大聲又點得，我地呢d雞野，唔大聲d既d低音會被淹沒的。
據大埔隊長稱，聯華好硬淨，而雖然0-6再大敗一仗，大埔隊仍未腳軟。比d心機啦，人生幾何啊！有好多人都曾幾何時發夢做足球員、明星，實際得手既又有幾多過？既然奇蹟地成功左，雖然多數只可以踢一年，點都唔好浪費呢一年機會丫嘛！
明報有陳旭智訪問呀下，睇下班唔班到份原版黎睇下。條友早排無啦啦話要拎返對流浪張大合照，話訪問要用，你睇下佢幾咁涼薄，d相條link我一早俾哂佢啦，睇都唔睇下，之後到要用到先再問我拎。我呢d朋友就真係唔話得，見佢踢甲組難得有得威下，幾大力捧佢做球星呀，又搞睇波團又剩，唔係你以為邊個會係旺角場嗌陳旭智先得架。
講開又講，我剛剛醒起，FYP果陣我地整左個缺點制度呀下，一次開會交唔足貨就記一個缺點，我記得陳旭智係贏左的！！！要請食飯的！！！(你睇我地開fyp會幾咁認真！列席者應該都好清楚我地開會既情況！真係非常有效率又認真的！)
No comments:
Post a Comment