蒼蠅王

就黎睇到Simon死了！很緊張！

呢本野好似話係英語國家的教學讀物來的。我會買黎睇當然係因緣際遇啦下，睇Suede既Lost in TV DVD，其中一個features就係全隊band係到睇返自己所有MV然後作出Comment。

其中We are the pigs既MV，Brett就話呢到有Lord of the flies vibe。你知唔知就係因為Brett呢句說話，我又要查下個vibe字點解，又學人買左本Lord of the flies黎睇。

本身睇左一小半，放低左，但因為返工既關係，佢又夠細細本，就拎返佢出黎搭車時睇。

唔，講開Suede，其實我真係只差最後一張就Full Album了。(唔計compilation啦下，計都只欠single collection)

但始終提唔起勁去買。係，我係可以淚流滿面咁去聽Dog Man Star，去唱K係咁唱Suede(其實係因為佢比較多真．MV)，但唔代表我係狂迷呀下……See You In Next Life，轉頭Brett Anderson又走去同Bernard Butler玩，唉，我真係有d唔順氣的。

講開又講，本Lord of flies你唔係未睇哂架咩？又點知Simon就死？

哦，我不嬲都係睇正場戲之前忍唔到手去做資料搜集的。

我從來都唔會介意睇戲之前知道劇情的。我實在唔係太重視乜野驚喜乜乜物物，睇戲好睇書好，唔聽過都唔知感覺感受的，即使知道左，你仍然有好野可以睇，鏡頭運用、演員演出、交待手法、等等等等。

唔通你睇完碟評就唔買碟咩！就係睇完先更會想去睇，睇下乜野料係咪真係咁丫嘛！

唉，我脫節了，「睇完碟評緊係唔買碟啦！我D/L開架嘛！」

唉。