遲哂到咁入場呀下，頭場只係睇左少半，晨曦都贏得有d勉強。而我因為申緊鼻涕，而miss左野豹法圖斯既入球的。
大埔果場黎講，我事後先知原來施雲奴已經離隊，仲係因為內部問題引致的，高層之間仲話有爭執添。
而問題係，對聯華呢場，missing link就係施雲奴喎……祖利亞連繫住中後場，但係中場同前線中間，就係少左一個上腳同俾波穩陣既球員，開波初段聯華未壓上黎搶，問題都未咁明顯，蘇來強安基斯同陳思榮係左路組織得好唔錯。但當聯牛一搶上黎，d波係前線就組織唔起，連停波都有困難。
我都承認施雲奴既表現係班外援之中係最唔搶眼，但唔代表佢既作用係其他本地球員都可以做得到喎。
冇左個可以係三閘線位置上腳既人，你睇下其他攻擊球員做到d乜出黎呢？再而成隊都會因為中前場組織唔到攻勢俾人返打而受壓，你見平時好搶眼果d都冇哂野睇。
另，今場趙俊傑踢得幾差下呀下。
下場黎講……嘿。
完場就去左逗下陳旭智，因為我約佢去「特首陪你過聖誕2006」時唔記得同佢講今年玩交換禮物……當然又去挑逗下安基斯啦下，雖然叫安基斯佢識聽，但我鍾意扮熟叫佢Chris！另外仲鼓勵一下臨完場俾聯牛既巨人中鋒維雅芭踢中鼻既門將李翰灝。
題外話，梁曉X就真係，尾場完上半場先到，仲夠膽問點解冇得入。我明明約兩點架嘛！(今次返而淫泰最準時)
No comments:
Post a Comment