我以為戰狼300個英文名係溫泉關戰役添，原來係「300」。
主角！拿！有冇人記得我睇完night at the museum講開阿提拉，話我睇過一套電視電影個阿提拉係好型的，原來！果個阿提拉就係300入要做李奧尼達國王果個呀下！佢另外一套我睇過既係德古拉2000，唔記得香港譯乜，佢做德古拉，但果陣我唔記得左隻德古拉係點！返而記得打德古拉之前係打三條女的，其中條女俾男主角剪左個頭！果條好似係一開波劫走德古拉果條女來的。(我以前睇好多鬼佬9片的！唔好似為我好少入戲院就好少睇戲！由LD年代我都唔知奉獻幾多我老豆既錢去租碟！)
佢仲做過擇日再死添，但呢套更冇印象。
露點女王黎講，做過有線播完又播既怪物片The Cave，呢套唔好睇的，但我成日轉台睇到Charlie死果到，果到係比較緊張的，而且見Charlie見招拆招又係靚女，以為都佢走得甩，點知都係要死，佢既死仲令全隊男人都好憤怒，亦令我轉台。
奸臣黎講，一套我都冇睇過……包括芝加哥……
最後冇死到既狄里奧，我一直覺得佢好熟口面，最終睇到大半我記起了，法拉默！波羅默之弟呀下，魔戒電影入面冇機會大顯身手(聽講小說法拉默形象好好，可惜電影分唔到時間俾佢)，呢一套就總算比較好。
短成係咁話Captain係木馬屠城入面，又真係喎，但佢唔係奧德修斯喎！佢仲拍過聖女貞德添，但唔認得啦，呢套入面d男人好難認，又耐。
做型成個Iggy Pop咁果條友姓法斯賓達的！
完。
No comments:
Post a Comment