臨開波返入更衣室，負責收返d龜背既陳旭智，行行下趺左一件唔知。我同阿洲都見，但點提佢呢？當時同佢迎面既姐姐提佢，佢知道之後回身去執，點知手頭上果d再跌出黎，要姐姐幫佢執了。
做後備係比較狼狽的了。(係，明抽水的)
其實我一度以為大埔真係可以偷到雞添，晨曦今季打落冇霸氣，進攻完全唔夠銳利，1-1果陣我真係以為可以偷到雞的。
可惜，雖然拉返施雲奴落中場的確幫到組織同上波，但晨曦質素實在係好(睇佢咁耐都係靠呢樣拎分而已)，第二球真係求求其，耀仔係邊線係咁兒放個高波入中間就咁頂左入去。
但大埔組織唔到上去之餘，晨曦係後面猜既能力又太高了，搶唔到個波冇乜好講。
開頭第一球見安基斯搵到國援中堅著數，以為仲有d計，點知就真係一次搏甩左，之後都再冇呢d機會。
我覺得趙俊傑同陳思榮進步上黎真係比較明顯，真係有甲組經驗既球員係唔同d嗎？加油吧陳旭智。佢話畢業禮果朝要練波，返唔到黎一齊食早餐。唔，既然係咁，不如畢業禮都唔好黎去練多陣波啦！(嘿)
No comments:
Post a Comment