競技場主

費事成日俾人抽水買左d書係到唔睇，於是我又重新搭車睇書。

書名、出版社同埋譯者是誰我就唔講了。本書呢，就講音樂的，寫法亦好學術，似paper、journal多過似書。

今日睇到最後一版，勁咯……

「托爾金在他的《競技場主》中塑造的薩勒曼就有『音樂般的』聲音」。

Lord of the Rings！競技場主！

本書好新下架應該，出版社亦名聞遐邇，除左譯者連介紹都冇……

之後會開始睇十三首歌！

題外話，本書亦將Beatles譯左做「甲殼蟲」，但呢一個我接受到，我唔係第一次見呢個譯名，亦係直譯同音 + 形譯既分別姐，爭議只係「披頭四」實在太出名，先容易令人接受唔到其他譯名，同意譯但完全錯係兩碼子既事。

Rolling Stones就無可爭議咁一致譯做「滾石」了，事實呢個係100%既好譯名。The Who就有「何許人」同埋「誰」，我比較喜歡「誰」。

當然，我始終最鍾意Grateful Dead，「死之華」！型到呢！「快樂死人」真係差得遠！

The Velvet Undeground，就有「地下天鵝絨」同「非常利益」，我當然鍾意前者了！

唔講住。