係咪呀

我都話我贏硬的！Mouse都贏佢用筆啦！

……0岩0岩先見到……未畫哂……animals未寫……

I have had enough

還是彈下bass寫下歌吧……

我與這傢伙一樣感到很疲累了。



虧短成夠膽畫出黎，我敢講我用左手都畫得靚過佢。佢話係The Sentimental Animals的Band Tee，收檔啦，係要設計都係由我設計！(Friction既開始！！！)



今是日欣賞的是The Who at Royal Albert Hall，我再一次確定我應該可以用十世既時間修練到John Entwistle既境界(仲要望第十世隻手好似the Ox咁大，d指節又要同佢一樣咁硬咁夠力……大家知唔知我d手指出左名軟，指公仲可以外彎90度)

竟然阿短同姐夫都問，點解有個咁後生既人！而佢地問既唔係Zak Starkey！而係Roger Daltrey！所以話有頭髮個人睇落都後生廿幾年……

Listening to you, I get the music

宗教是甚麼？

Tommy就是一個宗教的故事。一個受盡折磨的男孩，因為玩波子機玩得出神入化，進入了神的領域，因此而被人追隨，擁有無數門徒，追隨著他。聽起來荒誕，但事實上，某些宗教的邏輯基本上也是如出一徹。一個似乎能夠行神蹟的人，人們追隨著他，相信他所說的每一句說話，就是如此，本質上根本絲毫沒有分別的。

但我理解，每一個人都有脆弱的時候。

比較可笑的是，Tommy的門徒/信徒沒有像其他宗教的某些信徒一樣笨得出汁，當Tommy要求大家像他一樣變成盲、聾的人一般追求精神上的超俗，門徒/信徒「啋佢都有味」。(當然，有些宗教的信徒知道薪水要奉獻的時候會脫離教會或虛報薪金，即使同是信徒，信仰心及智力也是會有別的)

或許我也是一樣，與那些信眾沒有分別？我現在沒有精力，情緒亦不夠平伏去想清楚，但我想我可以自稱是搖滾樂的信徒。搖滾樂沒有救贖我，但我似乎的確只有依附著它，它的確是支撐著我精神及思想中的某處。

因為剛才我在聽Listening to you，我沒有淚過半滴淚，但不自禁掩著面，眼框有一點熱。

對，我甚麼都不是，我甚麼都辦不到，但我可以向英雄們下跪，讓他們給予我音樂、光榮、興奮，那全是我自己不可以辦到的事。

不是說感恩的人都可以上天堂？不過我似乎感錯了對像。似乎我最脆弱的時刻，面向的還是地獄之音的那一方。

See Me Feel Me
by The Who

See Me
Feel Me
Touch Me
Heal Me

Listening to you, I get the music
Gazing at you, I get the heat
Following you, I climb the mountain
I get excitement at your feet

Right behing you, I see the millions
On you, I see the glory
From you, I get opinion
From you, I get the story

See Me Feel Me

1969年夏天，嬉皮運動由一場有五十萬人參與的演唱會推上高潮，反戰、和平、愛、藥物、性……演唱會橫誇三天，而由第二天晚上三點開始，台上演出的是一隊不太嬉皮的樂隊，The Who。主音Roger Daltrey認為他們從來不是嬉皮士……要做嬉皮士的話他們太憤怒了，當不來。

The Who的演出由半夜三點開始，Tommy的24首作品一直順序演出。

就在主音Roger Daltrey唱出最後一首歌曲的第一句"See Me Feel Me"時，剛好是日出的時間。

剛好是結尾的開始。更重要的是，See Me Feel Me的精神力量，配合著由一片黑暗至晨光初露，配合著See Me Feel Me本身由深沉內在至光明輕快的編曲，事後John Entwistle之後打趣笑說：「上帝替我們點燈。」

事實是我真的很不喜歡拍照，但不見得我不自戀。

我一直認為，從來沒有人比我更喜歡自己。我比任何人都清楚我的缺點，除了那些外在個性如懶惰、沒有決心以外，有更多更多沒有人知道的缺點。我深知這些缺點根本一直是令自己受傷害、心情會變得差的元兇。

但我似乎改不過來。我以乎很喜歡這一個自己。

我覺得這是源自對人的一種不信任。我從來覺得，在任何人的世界中，我都只是一個配角，我從來都不會是一個受重視的人，因此如果自己也不喜歡自己，那種感覺好像是滿可憐的。所以我一直都很喜歡自己，甚至把缺點看成是優點，即使知道那是在自我傷害的特質，照殺可也。

放心，只是聽到Roger Daltrey的歌聲令人有點想得太多，這是音樂的精神力量。

See Me Feel Me
by The Who

See Me
Feel Me
Touch Me
Heal Me

Listning to you, I get the music
Gazing at you, I get the heat
Following you, I climb the mountain
I get excitement at your feet

Right behing you, I see the millions
On you, I see the glory
From you, I get opinion
From you, I get the story

Dog Man Star in the bloodstream and liver

曾幾何時，很喜歡The 2 of us，很喜歡Black or Blue。

但我開始厭倦了，當我知道一程火車，不足以可以聽完全碟的時候，這兩首也會被skip的。

是心境的轉變， 還是口味的轉變？我從來不敢說音樂與我的生命已經連繫起來，這是那些用以音樂為職業的人才可以說的話，而我只是一個電腦情色員。倒不如說，我喜歡的音樂反映著我的想法、態度，以及這一刻我的心情。我發現，好像有一點失去了那種傷春悲秋的能力，「Alone but not lonely, you and me」樂句依然感動非常，但我沒有共鳴。「me and the star stay up for you」，又如何？我只想下一首快一點來臨。

現在是「I'm losing myself」，「That's how it feels when the sex turns cruel」。

喜歡Next Generation的無聊頹喪，喜歡Asphalt World的強烈蒼白。

成功，到底是甚麼？

詩屎時事是屎詩

個標題好無聊。

其實係咁，我個MSN到有一位人兄好喜歡係personal message到寫詩的。

我雖然係抽水怪，但都未至於好挑剔，問題係，拿，我地先唔講格律，但即使係寫打油詩，我覺得都如果連基本既音樂性都冇，諗起黎完全唔順口，學李嘉欣話齋：「寫黎把X呀？」(抽一世的水)

我冇讀過文學(well，take過兩個non-major既course啦下)，但其實詩呢樣野，要我做賞析我的確可以吹好多，問題係，我自己覺架姐，冇人話過係……其實你見d韻腳，本身就係好似一個起承轉合，基本上好多chord progress都係一樣，好似最簡單既I、V、IV、I，都只係類似既野，頭尾要夾，第三個要轉，咁就和諧中又有生動，又唔會返唔到屋企，唔會覺得好混亂。呢d真係唔學都感受到的。

果位人兄最近呢首都算可以，只係轉果到，彈錯chord囉……其他都冇乜好讚……

我又黎即興寫返首，而家12:22:3x...開始！

小時不識情人美
你說世間欠嫵媚
老來無妻也無後
母親大鬧你老味

完成時間12:28:50。

你睇，係就係核核突突又唔工整既打油詩，起碼順口丫。但連我有呢種功力(！)既人都不談此調……其實中文唔好真係唔好寫詩……畢竟詩呢尾野，要寫其實扭下小聰明已經得，但要寫完人地覺得好既就實在太難了……功力係要浸……但……基本功都冇真係好難浸到d乜出黎……

完。

(上面首詩個名？好明顯係「小你老母」啦下話……

足球與熱情

其實我不得不承認，我對歐洲波已經越來越唔熱情。你要明白我中學係有線播乜我都睇足，講皇馬，仲有冇人記得當年森莫蘭奴拍艾華維斯卡？法甲我都有睇過下，當年馬基利尼係南特都仲未算有乜國際名氣！J-League，唔好同我講小野伸二了，紅鑽我睇開福田正博的。

而家？唔知呀…J-League……入球大囉！法甲……里昂好似話好勁，不過最近回落……

但香港波我一直都唔係完全放棄，越入場睇越睇越鍾意的。

你唔x好同我講冇技術冇戰術唔好睇，講技術講戰術我都睇咁多年波，起碼叻過好多晚晚拎住份報紙度波纜既阿叔。英超好好睇呀！曼聯車路士好勁呀！第一循環果一場悶到我丫……車路士拎住個波踢但冇章法唔識組織，曼聯係咁突擊，係咁放狗快，但自己浪費哂……仲記得另外有一場曼聯對熱刺……完全唔知踢緊乜的……

係現場睇見歷高邊線三十碼照射ban個火箭炮彎入，果種興奮，只有祖爾補時反勝傑志果個自由球時先有的？米赫洛域？阿辛卡奧？米赫洛域自由球連中三元我都未叫出黎。歷高入果陣：「嘩！x！駛唔x駛咁勁呀！」

而且香港波既戰術其實返而仲分明，返而英超呢d高速體力化大約都只有三種踢法，放狗跑，暖水壼，九零一……阿仙奴不入呢三種之列……阿仙奴三樣都唔係，通常係九十分鐘都唔知係到做乜猜下猜下……

最重要，只有現場睇先真正有果種認真、投入感、臨場感。喜歡的，冇人話一定要係最好，下文既女記者係錫菲聯球迷。

一直睇開香港波，然後心痛至心死既，我係好明白的。但果d連冇野做電視有得播都唔會睇，講黎講去淨係識和叔同倫哥阿丘，又係到話香港波屎唔好睇既，就最令人覺得討厭。

南華 vs 傑志，我冇去睇。但當我係網上見人講今日報紙竟然用全版去講本地波，我即刻標去拎黎睇，果一刻係真係有點感動帶激動的。

我絕對唔認同人地話冇熱情但又鍾意的，當你對事物並唔係有一份熱情，足球又好，音樂又好，乜都好，你做黎唔係因為你真心鍾意，只係拎黎消遺，又或者拎黎建立自我形象，簡稱「扮哂野」。我成日都講史登堡愛情三角論。完整既愛要有齊承諾、親密、熱情。你承認你愛音樂，又對音樂了解又充滿認識，但沒有熱情(過)，那只是「有個伴」，不是愛情啊。我冇咁多時間搵野消遺，我既事間暫時都唔多夠用，我鐘意你，當然會充滿熱情了，沒有負出熱情，咁又點可以得到別人的熱情？我很討厭扮有型扮「冷酷」，因為通常都不是真的。

搖滾樂的原真就是來自無盡的熱情，不應該cold住來play的。

唉，不過我最近都好少小球證了，開季果陣我真係佢得近我照小佢的：「戴眼鏡啦ref！駛唔駛我借俾你呀？！」

下個星期六！和富大埔聯賽煞科，對手係首循環被大埔落後1-3下奇蹟返勝的愉園！




(攝影：「科大小鋼炮」朱古力波 模特兒：「和富大埔隊長」陳旭智)

FW: ESPN靚女主持對hk波的睇法

Hong Kong - and football...

I have just arrived back from Hong Kong, my first time there and wow what a place i loved it, great atmosphere and great personality!

I spent half of my time with my jaw hanging off staring at everything and taking all the sights, sounds and smells in.

Anyway no surprises i went there to watch a football match - heavyweights of the Hong Kong league fighting for the title - South China vs Kitchee!

To be honest i was quite surprised with the atmosphere and attendance, the South China fans shouted, screamed and chanted for the whole 90 minutes (i was sat right next to them, sure my hearing's gone a bit funny now!)

It was the first time for 16 years (1991) that the MongKok stadium has been at full capacity - and no i don't think it's because i was there! (hey i did get myself in the HK newspapers though this morning so i must have done something right!)

Everytime i go and watch Asian football i puzzle and question over why people support and English team over their local team and why according to my numerous research has the popularity of Asian football decreased on such a huge scale.

When i was in the hotel, i spoke to a local and i mentioned i was going to the match and he said "no point boring football"! Well maybe it's because of the mass media exposure of European football and its increased revenues that only a handful care about there local league...saying that i think it's a vicious circle if the locals don't care, then the players don't care and that equals as my hotel acquitance said "boring football"!

Was it boring? No i don't think so...the loyal fans that were there had the pride and passion of every football lover...admitedly the football wasn't what you expect from EPL or La Liga, but all the other qualities were there, enthusiasm, passion, a love for the game, a will to win, a fight, a goal, team spirit, determination and 2 coaches that so badly want to take the title...
That's football isn't it?

Oh and i have to get this in - THE BLADES WON - We're staying, we're staying up. we're staying up!!! (that's me singing!)

I'm not fool enough to think

you couldn't live life without me

Janie don't you bring your love to town - Jon Bon Jovi

呢個歌名好似錯文法咁，其實唔係，佢係Janie後面有一個逗號的。

但其實錯又點？It Don't Mean a Thing (If It Aint' Got That Swing)，聽聞係爵士樂名曲啊，有心地錯要黎突出咁話。

有時我發現原來自己真係很天真的，會以為全世界都會好似我咁林。

當年陳水扁咁都能夠當選，我真係覺得難以置信的，我覺得我被世界欺騙了，我發現我可能只係生活係自己既幻像之中，我以為所有人都會對呢種肉麻當有趣、全世界都知道係謊言既謊言同我一樣絕對反感。

但原來明顯係大話既人，仲要自己係俾人呃果個，都會話「雖然係咁，但我覺得佢好可憐，都投返佢一票」「即使係咁，我含淚都要投佢！」

根本只係自以為而已。

記唔記得有一套爛片，阿叻、阿葛、雷頌德、快慢必果套，唔知整古乜乜物物，仲有睇挪威的森林既朱欣、LeeAnn、雷宇揚、馬蹄露等等，快必：「當一個人連自己連自己都呃唔到自己，係很慘的」。

我講緊乜，我唔知呀，或者是我自己呃自己，我以為所有人既思想都同我一樣吧……可能係我太蠢吧……

只可惜我既智力發展已經走到盡頭了。

So little time so much to do

樂隊既名字既Arkarna，當年三名成員都只係二十出頭(97-98年左右啦)，主音兼靈魂人物Oillie Jacobs係電子出身，所以其本上全隻碟都是很電子的，基本上係一張跳舞碟咁濟。

但其實，我最欣賞返而係Oillie Jacobs寫旋律既能力！好似呢首So little time旋律絕對必殺的，另外好似Future's Overrated既Chorus又如是。另外一首Eat me就更突出，可能冇呢兩首咁「好聽」，但我成日覺得，呢一首個chorus真係好爆炸性的，非常特別，會令人覺得你黎得到呢一到，身上就應該有更多其他既可能性了。

可惜，我成日覺得好似So little time或者future's overrated，係技術上浪費了咁好的旋律的。呢個就係我地成日講，點解流行樂既Form好多時都係最穩扎穩打既aababb。咁樣就最容易滿足到人既腦袋既完整性，重覆的夠，又有對照，係最佳既平衡。

如果係聽大碟既話，So little time就係咁，三段旋律直落一次，然後重覆。第二次係有Variation的，很不錯。問題係，你有只係兩次，其中一次仲要加左variation，重覆性就唔夠，變左好有一種唔夠喉及聽得太少。

重覆一次就入了一段很長的舞曲，其實，如果呢一段完左就來一個last attack，來一次chorus就很好了，會令人很印象深刻，但沒有，隨住變化不明顯既Dance beat咁就完左……實在令人若有所失啊……

無論如何，呢一首旋律實在係寫得好好，猶其第二段旋律。

繼續感情既動物

我覺得最攪笑係，有一段時間我自己係到彈段solo，阿成又自己係到彈唔知乜鬼(好似係心太軟)，佢阿媽同時係到出力挆野！完全唔配合既三重奏下簡直係嘈到震！但！阿成老豆同時完全冇出聲，繼續係到上網捉棋！



相既左手邊係結他手阿成，右手邊係低音結他手的我，留意梳化頂有負責幫我地搵骨肉皮(Groupies)的經理姐夫！(佢個虧既IDE->SATA adaptor……其實冇林住影，點知唔覺意入左鏡)

每一次既The Sentimental Animals聚會既時間表都係：晏晝飯 -> 熱身(10秒) -> 乜都夾下 -> 自己彈自己 -> 乜都夾下 -> DVD質賞。



上次係The School of Rock及黑馬王子(VCD)，今次係Suede既Lost in TV，似乎Suede既音樂香港人真係比較容易受落的，即使係非常陰沉的Dog Man Star呀下。



當然唔少得佢，今日影左好多，但冇電，快門好慢。

收刀

大家有睇亞視播由Judy and Mary既雀斑作為第一首Opening既動畫浪客劍心，應該都知道緋村劍心既外號叫快手刀拔刀齋，手持既係逆刃劍。

而漫畫入面劍心既外號係劊子手，有理由相信亞視係為左減底血腥味私自改左個外號。劊子手，即係人斬，劍心呢個外號就係取自幕末數名天誅行動入面既有名殺手：河上彥齋、岡田以藏、田中新兵衛等。

居合，我地呢一代可能好多人第一次聽到就係聖鬥士星矢入面，金牛座既阿魯迪巴，作戰時沒有架式，後來星矢就想起魔鈴曾經同佢提過居合劍法。居合者，亦即係劍心擅長既拔刀術。不難想像，大家想知道多d有關居合既資料去上網search，會搵到話係一種極速出刀再極速後刀既刀法。

到底居合高手係咪真係有能力可以極速出刀同收刀呢？我睇過一d而家練居合度既人話，高手的確可以係一秒左右既時間完成收刀既動作。事實上熟能生巧，唔係冇可能，而居合者要極速收刀既原因，大家不妨重睇一次星矢對阿魯迪巴，不復詳談。

而問題係，到底去練極速收刀有冇重大既意義。拔刀術其實係一種非常高技巧既刀術，你可以想像你用拔刀術，面對一個以正眼四平八穩既架式對住你，要可以拔刀有效攻擊對手而又唔被刀鋒以經出銷既對方先發制人，速度反應真係要高好多皮先有可能做到(劍心既神速，宗次郎既縮地……)。

其實拔刀術，還比較似一種出其不意既刺殺刀法，講求近距離出奇不意地一刀致命，收刀快固然係話可以快速重整，不過到底有冇呢個需要呢？一刀落空，即使你收刀再快，係人地一刀落黎先，定你收刀再拔刀快……不原近距離再補一刀……(如果人地傷到再冇能力出刀，咁你行埋去割頭在手就可以，做乜又要好型咁收刀再拔刀……)

講咁多，其實我係想話……我收刀了，應該唔會再寫全隻碟咁寫樂評了。我短期內應該唔會再有乜時間聽完一隻碟，有一個主題去組織，然後再圍繞主題咁去寫一篇似樣少少既野，你睇上一篇組織差錯字多冇內客……

講開收刀，對「收刀」呢一個詞有印象既係，大家記唔記得有個叫夕樹舞子(直豎拇指)既AV女優訪港，我好記得當年報紙娛樂版講佢去派雪糕，場面冷清，得好多阿伯係到睇佢派，而該份報紙就有一句，講話唔好見直豎咁年輕，其實已經係「收刀復出的沙場老將」。

從此一次過將「收刀」、「沙場老將」收入我腦中既字典了。(的確係，我覺得多d幽默感容易覺得過癮就容易記多d野，我真係覺得用呢句「收刀復出的沙場老將」去形容一個二十歲左右既AV女優好搞笑，另外就好似「五冠王」高樹瑪利亞、「平成三傑」呢D……真係笑鬼死，我成日話，「平成三傑」人氣好明顯高過「漢初三傑」、「維新三傑」甚至「平成歌姬」！)

知識及語文能力，就係咁學返來，你估真係上堂咩？我冇咁得閒上堂聽書，尤其某d全無教學熱訪老師所教既科目……(不過後尾變左老師好有熱誠我都唔聽了)

Hong Kong Telephone Conversation

I am calling, yes Im calling
Just to speak to you
For I know this night will kill me
If I cant be with you
If I cant be with you......

New York Telephone Conversation by Lou Reed



地獄Miss Call王。

我試過全個週末所有Call都Miss了。

近十個call只係接到三個……

基本上我已經做到自彈自唱呢首New York Telephone Conversation了……緊係啦，呢首其實係有隻雀仔跌落水level。

Mr.Children會走出HOME重新習上歷險遊程嗎？

想了好一會，我應該如何把這一篇樂評寫得有意思一點。把Mr .Children與「期望」拉上關係已經變得老掉牙，我亦無意來一次櫻井和壽大批判，即使心中有這一個想法亦無法下筆，櫻井親衛隊的勢力太龐大了……我管你是十九幾歲母親、還是甚麼顏色的日子才當上MC樂迷，請你答我一句，你為甚麼喜歡Mr.Children的音樂？

我可以恃老賣老，我自稱Mr.Children樂迷的日子已經超過十年，但我不希望這樣做，亦只希望大家盡量拋開感情、迷信以至厭惡，答我吧，你為甚麼喜歡Mr.Children的音樂？

其實我也真的很想知道，十幾歲母親們以及顏色的日子樂迷們，跟我有沒有一點點分別？

我並非權威，就算我有能力也當不上權威，音樂是絕對個人的心靈內在體驗，沒有人可以指引任何人，那些權威都是別人捧出來或者自己裝出來，你有權不信，即使他們真的俾你懂得多很多(專家，卻不是權威，沒有人可以迫人的感覺承認別人的一套，感覺永遠都是自己的)。

好，請你答我，你為甚麼喜歡Mr.Children的音樂？

只是胡言亂語，你大可以不理會下文的。

說實話，唱片的開端，不要說是Mr.Children，好像沒有其他唱片更令我嚇一跳。我第一次聽第一個音符響起的時間，是在家的升降機前，那一刻真的有一種放錯唱片的感覺……接下來的Wake me up!有著非常精彩的節奏部……雖然節拍不明顯，但很搶耳，同時有著既簡單又精彩的Chorus，有活力，清爽又痛快，很好，非常好。接下來的色彩卻是老氣橫秋，不過只要你有這一份成熟，又或是懂得欣賞這一份成熟，那一句Chorus應該足夠鎖住你了。箒星，應該是我碟中唯一談得上有聽過的一首，當初的評語是不俗，跟未來水準很接近，還要再清脆一點，我現在覺得要比未來還好，而且好不少。不對，似乎是全碟最鍾愛的一首。

大碟有一個很有希望的開始。

Another Story是我開始失去一點耐性的一首，Verse是很典型的櫻井式非悅耳旋律，除了首兩句都「難唱」以外，末三句把中句在最尾一粒音調高一格是任誰都懂的把戲，畢竟連chord都轉了，你不懂時他還會不懂嗎……有時候會覺得這個傢伙是有心寫得複雜一點的(mc的旋律其實不簡單的，總之從來不會是三個chord就可以的)。不過，Chorus還未有失去那一份感染力，加上編曲，其實是挺好的一首吧……

PIANO MAN。很好，很好的jazz式的編曲，jazz combo內都樂器都齊集、即興、暫停都有，也有丁點兒的呼咸回應。音樂技巧非常出色，用心的話聽十來遍也不會厭，總有你可以發掘的新趣味，連旋律也是寫得很好的。

但，這首歌給我第一次時，很不喜歡，最不喜歡，是全碟最不喜歡的一首。那是因為一種「純粹音樂」的感覺(不是完全與「目的音樂」相對的那一個Absolute music的意思，但你應該想得明白我說來甚麼)……可能是我沒有看歌詞？但聽起來我好像找不到溝通的立腳點，我不知道他為我帶來了點甚麼，除了很好的音樂。我撫心自問，到底我的要求是否很奇怪，如果你從要聽「好音樂」的角度，這首歌在這一片唱片中應該是不二之選的。「好音樂」，指的是編寫得很好很有技巧的音樂，但我很貪心，我要得不只是這些，或許，根本不是要這些……或許只因他們是Mr.Children，不是Band Bank。

我最不喜歡，但我聽得最多就是這一首。我是認真的，而且最後，我也從那兩拍的節奏中找到無比的熱情，那種大汗淋漓，就像在聽hot jazz一般，聽完的感覺就像剛才胡亂地跳了三十分鐘舞。只要找到理由，實在不用怕推翻自己。不過，到底又為了甚麼我要聽多數次才真的感受到歌曲的力量呢？可能是我感受性不足，怎麼樣都好，我只希望說，唱片就本應該如此，它是值得你用錢買下，然後反復細聽，而不是在打電玩打牌時「播」的。而且，不要驚訝於自己今天對比昨天聽出多一點東西而改變看法，不要過早下定論。(就像我非常希望說「沒有終結的旅程」沉悶的朋友，請你用感受人生的心境回去再反覆細聽)

Fake則又是Mr.Children的音樂已經成熟的例證，基本上是沒有失誤的，相對於SUNRISE……對，我認為SUNRISE是失誤的，嚴格來說是很不俗的一首搖滾情歌，但配答實在不好，在間奏及結尾那一段結他riff很好，簡單但富有感情，說得裝模作樣一點，就像你在散步道上跑步時看到前面的一對老夫婦，看上去很窩心，但他們阻礙了你前進……

記得有人向我提過不習慣在Mr.Children的唱片聽出Salyu的聲音，說實話我沒有看內頁的話根本只聽到她在Track 10現身。起初，有人 說不習慣，我以為聲線美得像一件「人間樂器」的Salyu會走出來花俏地唱一段solo，還是唱一段華彩和音。但現在Salyu的音線明顯在處理後變成了「人間樂器」完全體，真的與樂器沒兩樣！還有甚麼慣不慣！MC過往好像還有更明顯的女伴唱吧！

水準很高的一張唱片，可聽性很高，不過，好像還不是我要的Mr.Children。始終感覺當中的精神力量不夠，即使Shirushi這一首力作，也不見得可以一命救全家。不要說得太遠，我好像還找不到感染力可以媲美and Ilove you或為了誰這一類近作(Track 10也許比較接近，但不妨要求高一點，好像深海、Discovery之類全片也是緊扣著心弦的那種……)。不過，我認為這一張唱片雖然不會是我特別鍾愛的一張(起碼我沒有怎麼感動過)，但它是一個非常好的基礎，音樂的成熟度及操控能力都是一流的，如果可以重拾那一份強烈的感情，如果可以……可以嗎？

原意是聽兩遍，一晚寫起。

現在是聽了六遍，三晚寫起。

我不妨直認，聽得很粗淺，寫得更粗糙，服不服氣悉隨專便，我不會有異議。

咁耐唔update黎講

當然係因為有大鑊野寫緊，不過呢篇慳水慳力，post左先。



‧ 經 常 連 續 兩 日 同 一 件 衫

冬天成日的，淨係洗件底衫，面果件成日著佢兩三日的(好耐先洗一次)，其餘時間唔會了

‧ 用 國 產 牌 子 MP3 機

我仲聽緊panasonic的cd player哦

‧ 沒 有 大 專 或 以 上 學 歷

我有

‧ 行 路 寒 背 、 閃 縮

我唔覺

‧ 不 夠 膽 獨 自 進 入 高 級 店 舖

問題係我獨唔獨自都好少入高級店鋪……esprit高唔高級？HMV？

‧ 喜 歡 參 加 網 聚

一般啦……

‧ ACG 迷 （ ACG 為 Animation、 Comic、 Game縮 寫 ）

三樣都冇我份

‧ 身 高 不 足 160 厘 米

香港很少男仔不足160吧？(唔好抽水，冇人同你講10歲大果d)……在下170

‧ 與 朋 友 間 的 話 題 總 是 圍 繞 電 腦 技 術

好少，做果行就唔想講果行嘛……買機硬件果d直情脫哂節

‧ 認 為 金 錢 花 在 衣 上 是 浪 費 金 錢 ， 只 買 電 腦 用 品

最近成日買衫，因為band tee唔只係著，仲係收藏來的

‧ 在 網 上 對 女 網 民 獻 媚 ， 現 實 中 卻 不 敢 和 女 性 交 往

一半半，問題係我身邊除左同事冇乜女性……放心，我同d同事都好傾的……

‧ 經 常 幻 想 有 女 性 欣 賞 自 己 的 「 內 在 美 」

的確係！唔幻想唔得啦，邊有人欣賞內在美架(你問心！)

‧ 極 容 易 對 一 些 交 往 較 多 的 女 性 產 生 好 感

係呀，唔交往無啦啦好難好感喎，唔交往都極容易好感我真係好唔得閒了

‧ 穿 任 何 服 裝 也 總 是 用 同 一 個 袋

對極了！

‧ 怯 於 約 會 女 性

都可以咁講

‧ 帶 殘 舊 水 樽 上 街

冇帶水

‧ 穿 又 殘 又 舊 衣 服 外 出

冇喇，d衫大部分都新的

‧ 衣 服 多 是 母 親 購 買 或 與 母 親 同 購

不是

‧ 18 歲 前 從 未 拍 拖

關你叉事

‧ 絕 大 部 份 朋 友 都 是 從 網 上 認 識

大部都係同學來的

‧ 年 年 自 己 一 個 人 過 生 日

對極了！

‧ 失 業 或 失 學 逾 三 個 月

唉……

‧ 月 薪 不 多 於 6,000 元

咁又冇咁少

whatever makes her unhappy on a saturday night

第二日既夾歌，同樣係呢隻野既監視之下繼續。

我今日覺得係條amp線既問題。

仲睇左School of Rock同黑馬王子！嗚……沙律……華dee你個仆街都唔關心我既……

真係笑鬼死我……

唉……

清兵衛的末日

十個人看過《祕劍．柳生連也齋》這一部書，十個人最有印象的都會是《一刀齋．背號六號》這一篇。如果沒有看過簡介，事先絕對沒有人會預測到自己在一部劍豪小說看到一篇在現代及有關棒球的故事。

不過，《清兵衛的末日》也是一篇很突出的作品。要說是一篇劍豪小說，不如說是一篇純粹個人愛情故事。故事主人翁清兵衛本是日本戰國大名福島正則的下人，因為一次奇遇，替主人送酒時巧遇名噪一時卻的宇喜多秀家。秀家是關原之役西軍一員主將，敗陣後雖然逃過一死，卻遭逢流放，遇上清兵衛時只是一個正值壯年卻落泊潦倒得像一個老叟、只能向下人討酒喝的失意武士。

明知是失責，清兵衛私自決定把主人的酒分一酲予秀家，然後上報請罰。

誰知腦筋向來不太好的酒豪猛將福島正則沒有發怒，還把只是俱俱一個下人的清兵衛擢升成為武士。成為武士的清兵衛有武士之名沒有武士之實，受人白眼，於是潛心修練劍術，為的不是要成為一代劍豪，只是希望可以從修習劍術得到心靈的安寧。誰知這種不習劍術只重思考及心靈的修行使清兵衛的進步相當快，甚至在一次鐵心流道場被要求不同流派比試中，清兵衛替道場擊退了挑戰者。

這一次勝利替清兵衛帶來名氣。但很快清兵衛就遇上成名付帶而來的惡果，有傳聞他因為一個女人而變得品行不正。清兵衛感到女人因為自己受到污辱，於是登門謝罰。女人的父親也喜歡清兵衛，但清兵衛雖然一直對這女人有好感，最終仍然拒絕親事。

最後清兵衛敵不過心魔，向女人提親，卻遭女人的父親拒絕，叫他有本事就自己去奪取女人的芳心，不要來找他了。清兵衛於是開始要人生的第一次，進展卻不怎麼順利，最後他大膽地上書福島正則，希望主君替他做媒。當時正為回國心煩的福島正則大怒，在重臣的勸說下，清兵衛得以用切腹來了結這一件事。而女人知道清兵衛是因此而死，亦自願成為清兵衛的妻子，削髮為尼。

故事談刀論劍的地方不多，只有清兵衛為鐵心流道場擊退挑戰者一幕，倒是在談起關原合戰時對島津義弘的中央突破既向前退卻有頗詳細的描述。

如果對日本戰國歷史有一點認識，也許會覺得很有趣。清兵衛這一個故事，其實安排清兵衛的主君是任何一個人也是可以的，福島正則是故事中的重要人物，但重要的作用只在推進故事，有關正則的事對故事情節都沒有影響。

但把清兵衛安排成福島正則的屬下，則有一個很有趣的對照效果。

又說一點歷史，福島正則此人非常剛勇，幼年為北政所撫育，長大後成為秀君麾下的勇將，成為賤岳七本槍的筆頭。但此人腦筋並不太好，在秀吉死後，他聯同一群武將，因為對石田三成的極端厭惡，在關原合戰更加入了德川家康的東軍(當然有說是家康騙他們加入東軍在是維護豐臣政權的方法……聽起來這批武將真是活像三歲小孩)，把石田三成置諸死地。私仇報了，他們卻不知，以忠臣自居的他們，又同時斷送了豐臣家的天下，如果他們以為德川家與他們一班廣受豐臣家恩澤的武士一般簡單，就實在笨得可憐。我看石田三成再戀棧權力，他與豐臣家的忠誠，相對於本來就是一匹老狐狸的德川家康，怎麼看來也比較可信。

忠臣是忠臣，但只用口說卻不用腦袋，因仇恨而被蒙蔽，還是會把主君的天下拱手讓人的，福島正則就是這一號過於感情用事的人物。

清兵衛是一個做事非常有條理的人，正是所為的克己復禮。正如故事中福島所言，他運送那麼多酒，只是送了一酲予宇喜多秀家，根本沒有人會發覺，但他仍然直正地向上頭報告。練劍，為的也只是希望自己可以心安理得，即使一戰成名也沒有喜形於色，沒有接受別人的阿諛奉承(可憐亦可恨，他亦因此而被流言中傷)。這個清兵衛就是一個品行端正行事謹慎的人。

那麼他為什麼要拒絕婚事呢？清兵衛當時年二十五，他對自己的下人出身有種褪不去的自卑(封建社會扭曲人格，不過今天我們仍然會受人白鴿眼，時代會前進，不過不見得真的可以進步)，畢竟對方是武家的女兒，自己現在雖然也是個武士，但過去是草民的記憶始終磨滅不去。但最重要的是，因為他以往一直抱持著修業自我的信念而未有娶妻。到了今天，遇上了使他心動的女人，在動搖前的一刻，理智的他最後認為堅持及信念才是最為重要，於是他拒絕了。不過，我不知道下這個決定時他的思緒有多混亂。

那麼之後為何又會主動去提親呢？因為一次意外。一次工作中，他在晚上看到兩個睡姿意態撩人的少女，其中一名少女睡姿不雅，兩腿間的私處給清兵衛看得明明白白。就因為這一奇遇，清兵衛似乎認清了自己的心。他畢竟是一個男人，即使怎麼修練不見得完全可以掩飾心中的慾望。一個理智的人就只有這一刻，放下自己對感情圍場，承認自己對文的感情。

於是他去提親。

亦因為對文這一份慾望、情感，他作出了一個不理智的決定，要求福島正則為他說媒，一個不懂階級觀念的請求。本來就是一屆粗人的福島正則，正為大阪之陣後世人指罵及心中的愧疚而煩躁不安。清兵衛雖然在下那一個決定時被感情蒙蔽了，但他仍然是很清醒的一個人，於是他很快就決定盡武士之道，切腹謝罪。

他在切腹前去了見文的最後一面，直截了當地說：「請你笑我吧！請你笑我清兵衛對你有非份之想！」事到如今，文的回應已經不再重要。翌日，清兵衛切腹了，傷口深達七寸，這是一個非一般人可以對自己肚皮畫出的深度。

這並不是一個淒美動人的愛情故事，也不是一場轟轟烈烈的戀愛。但愛情或許確是一件令人失去理智的事，即使像清兵衛這麼樣的一個人，也有陣腳大亂的時刻。故事的背景是日本的戰國時代(技術上也可以說是日本戰國剛結束，剛剛踏進江戶時代)，就使故事變成了一樁沒有悲情沒有淚水的「事件」。只是意難平，沒有感動沒有悲傷，但卻只想細心去想，到底清兵衛要求福島正則替他說媒，是技術上的錯誤、是本質上的錯誤、還是人性的錯誤？

嗚……沙律……沙律……

我獨坐門前心太亂
女孩兒心事誰又猜得破
我悶悶不樂，唯有把大好光陰來消磨

今日係The Sentimental Animals第一次夾歌！(真係好低能……我自己打出黎都忍唔到笑……)

之前同beeyung題起呢個名，beeyung因為冇睇過黑馬王子而覺得個名好型……的確，但你林起張家輝個死人樣，真係聽親呢個名都要笑的……

頂，其實係咪真係因為個pick up鬆左呢？最底音果兩條我用力發會出蜂音的，其實屋企都會，但會停，應該真係同pickup有關掛，我係屋企又懶得扭佢……因為我係屋企都玩得好細聲或者唔插amp咁彈的，我呢d低水平要慢慢黎嘛。

其實我唔只買左HOME同School of Rock的，仲買左本書，不過本書搵唔到圖，所以冇update了。當然，安妮的日記係一早睇完左，真係睇完好耐。

返而想講一下《祕劍．柳生連也齋》。呢本野真係睇極都睇唔完，估唔到咁長的……不過我最終都睇淨一篇，唔，我係跳左去睇最後既《小次郎拜候》先的。未睇既係《清兵衛的末日》，一睇之下我真係以係電影《黃昏清兵衛》既原著，原來唔係，黃昏清兵衛同隱劍鬼爪都係藤澤周平的，而我而家睇既係五味康祐。

五味康祐寫既故仔唔易睇，好多條線，唔專心睇真係好混亂，個份段落既意思亦唔容易睇出黎。當中令人最有印象既一定係講伊藤一刀齋既後人，長居深山，出山之後俾人拉左去打捧球，非常有趣。至於書名既柳生連也齋，應該係咁多劍客約戰之中寫得最有迫力既一篇，柳生連也齋嚴包背住既就係柳生家既名號，對手係從宮本武藏既徒兒，冇結局，但當然當你知道柳生連也齋六十幾歲先死，最後噴出鮮血既邊個亦唔駛講。

但，其實即使唔從外掛既資料又或者篇章既名，從故事入面決鬥之前，嚴包同鈴木綱四郎既遭遇同所做既事等，贏既仍然應該係柳生。

題外話，五味康祐唔係吉川英治，宮本武藏係五味故事入面出現既形象，並冇神化，亦非常體現出「兵法」係乜野一回事。另一方面，如果大家唔知，武藏既宿敵其實並唔係佐佐木小次郎，雖然呢一戰係最被浪漫化既一戰。事實小次郎劍技應該係很好很好，但真刀對陣，技唔一定係最重要的，大家從傳說中武藏遲到巖流島、《寬永劍士》中武藏一句說話就安然斬殺居合高手左六衛門等等，兵法，唔係邊個出劍最強最快，只係邊個可以斬殺對方而已……

真正終生食住武藏既，係柳生兵庫助，尾張柳生既傳人，亦即係井上雄二漫畫《浪客行》果個出場冇耐就去搵隔離村女子開心的那個。《柳生連也齋》彷彿就係填補兩人終生未交過手既遺憾而出現既故事一般呀下……(事實武藏除左斬殺上陣經驗非常淺既小次郎以外，從來冇同名氣享譽全國既劍客交過手)

但我不太喜歡另一篇標題作《祕劍》，拎芥川賞既《喪神》都唔算太喜歡，《猿飛佐助之死》亦唔係太鍾意，呢一篇太感情用事，但感情不見得深刻。而且我始終被較喜歡真田幸村係大阪之陣決戰前一刻私下將女兒及兒子交託片倉小十郎重長既版本，多於呢個於大阪城內為片倉小十郎景綱所獲……而且文中既小十郎景網形象不好……

《斬櫻》有點浪漫化，但非常精彩！《真假荒木右衛門》就係混亂既代表作……但我真係唔夠心力，好快咁睇完就算。

希望今晚可以睇完佢……之後就終於可以睇Andy Warhol呀下。題外話，Factory girl講Edie Sedgwick，講Andy Warhol，但提都冇提The Velvet Underground，冇Lou Reed冇John Cale，話哂佢地同Edie都有過一腿的，令人失望呀……

我仲有本搖滾神話睇左1/3左右……放低左……

Judy is not only a Punk Rocker and Mary is the Happy Girl

「我快樂」，「我不快樂」。

經常聽到人說自己很不快樂，自己長期感到情緒低落，自己對人歡笑背人愁。其實我一直都不相信這一套，不快樂如果可以輕易就說得出口，那是如此的不沉重，真正的愁緒不應該都是很沉重，沉重得說不出口的沉重的嗎？

或許現在人們都喜歡用憂鬱作為浪漫、感性的代言人，每每咧嘴而笑的都是膚淺、感受性低的證據。

人性的美竟然都變成了要強說愁，要自我沉溺在自制的情緒之中。

我只相信堅強。

每一次我到YUKI在兒子過身一星期後，在舞台上展現出一個奮力從傷痛中掙脫出來的笑容，我就看到了真正的美，我很高興我可以看到這一種美。

喜歡Judy and Mary，除了是那吵吵鬧鬧地在Punk Pop裡變出可愛的戲法、用古靈精怪的編曲配合強力的技術以外，因為它永遠都令我感到「好笑」，永遠使人快樂，永遠使人興奮，這應該是Judy and Mary的音樂中核心的精神力量。無論由Punk味至上恩田快人作為創作靈魂、慢慢地TAKUYA的浸入成為雙核心，到最後由連監製也當上了的TAKUYA獨挑大樑，仍然非常「好笑」，仍然是Judy and Mary。

Judy and Mary的音樂，永遠都是這麼美。

這個世界是很荒唐，有著各種不合理的事情，但我們有選擇自己視點的權利。我始終都相信，人的情緒是源自你的思考方式。我不知道是否有人真真正正的天生已經特別容易感到悲傷，不過，我很相信任何人都可以用思想去改變悲傷，只要你懂。

為何就不可以對使人悲傷的事情笑一笑？

和富大埔護級成功鳥

「29分鐘，和富大埔出擊，安基斯中路偷去陳文俊的腳下球第一時間交陳旭智沿右路直放入底線射向遠柱斜出。」

傳說中既快馬陳旭智！



大家睇下佢幾鬼騷(不過呢張相係上場對08時影的)



這就是我的Washburn XB120，駛唔駛幫佢改個匿稱？當然是要改女孩子名了……



它是一舊amp，最喜歡被插，被插後會叫的……(我把口的確係……但我又真係忍唔到)

完。

我和Hey Jude有個約會

好奇怪，其實我又唔係特別喜歡Hey Jude。

但當年同beeyung合作的COMP342 project，就係合唱Hey Jude，合唱者，合成我們的聲音再唱也。

但最後其實只係兩把分辨不能的鴨仔聲……

而家The Sentimental Animals初試啼聲既都會係Hey Jude！(笑死我！講到好似好勁咁！)

不如考慮下將當年我寫果一段非常簡單既Counter Melody彈埋出黎，錄低佢，一面播一面同短城夾，有冇人想唱主音？(女性，年18-22，相貌出眾為佳，身材優秀者優先考慮) (woohoo！)

想當年，好彩beeyung寫左段鼓出黎姐，我真係完全唔識寫。

講開又講，上個禮拜五，亞視果個五舊水節目講哈利，竟然用Perfect Day做背景音樂！係呀！Lou Reed果首！仲要係Lou Reed版本！唔係群星版！

又去練下先。

題外話，和富大埔睇波團絕對唔係八萬五，雖然我冇提，但週末賽事我仍然係去足的。