lunch時間收到姐夫電話，竟然叫我去睇，咁我當然去睇啦，有人去我又有乜所謂，去睇下南華都好！
又睇得似模似樣喎！迪天奴雖然冇係港甲時咁屈，但仍然做到hold波回波既工作，佢轉身動作同推波步頭既速度真係唔似一米八九同差不多二百磅！實在太強了！返而來頭好似好勁既前巴西甲/厄瓜多爾甲既巴路士暫時一般，佢睇資料身型同迪天奴差不多，但就唔似迪天奴咁倒三角咁fit，不過可能未fit的，見步頭都唔爽。
後防個沙域臣真係有184？我覺得大豪高佢好多！大豪資料都好似係寫185之嘛！但沙域臣包波很好，幾下都包得好準，輸十二碼感覺有少少不幸，動作礙眼但其實都係擔落去冇出手的，對比上季南華初段入果批中堅似乎更好(82年昨佢！仲後生過祖爾！)佢母會係巴乙既聖十字(如果有印象，南華上季中有一個外型成個李華度咁既防中基頓，對大埔時恰人後備龍入左個世界波，原來都係聖十字借返黎)，上季降班，之前佢係外借左去葡超的！見有d人覺得上季尾既基斯好過佢，我覺得單睇呢一場佢好過基斯喎，佢包波好快好準，兩三下佢唔到已經死左……基斯除左身型好過佢，感覺上……
華人方面，李志豪打左針咁喎！其實今日南華都點唔到名邊個特別差，我估都係S祖利亞啦，不過呢件上季踢愉園風評一流，我估係港甲係夠用的。
唔，好期待開咧添！(港甲)
No comments:
Post a Comment