時間：19:30
地點：銅鑼灣
話說，我由Lunch到臨收工都不停地收到電話……問我係邊等之類，而事實，雖然大家當左我係搞手，但房的確唔係我Book的！係Benny幫手Book的！我為全平息眾怒，惟有係工作既時間sms benny問左時間地點，再forward返俾眾人兼安排時間。
當然，房就卜左19:30，約就約早少少，而我，一早預左到唔到啦下。
而事實，我可以準時到都會特登遲少少啦，因為我訂左個彈……蛋糕，係用作驚喜之用的。不過，亦都唔係話存心要保密，因為我明知會有其他人都遲到，而唔識路摸上去……
拎蛋糕黎講，我發現美心西餅既嬸嬸都好好人(包括訂果間)，我真係好欣賞呢種服務態度。我估應該係同個人既中女親和力無關，絕對係店鋪本身有關，馬拉松d哥哥姐姐都好人得有d過份架。
名單：
1. 圈
2. 康
3. Donald
4. 欣
5. Benny <--生病了，遲到早走啊！
6. 泰
7. 周文 <--遲到，但理由非常充份
8. Hugo <--都是生病了
9. Frederick <--特首又是生病了，所以我代佢吹蠟燭
10. Chau
11. So Pong
12. Peter <--冇買禮物！
13. Henry
14. 條利老闆 <--最遲到
15. 楊X國 <--無confirm下突然出現！
16. 阿正
17. Kilroy <--遲到啊！
飛機：
18. Jason <--因工事放飛機
19. 陳旭智 <--人冇到，禮物到呀下！但拎佢份大禮果日俾佢點到我係尖咀行來行去呀下！而且我話放飛機要包底時竟然兇我！
講開禮物，我買的是Why do men have nipples中文版(唔記得名，男人為甚麼有乳頭？)！講開呢個書名，好好笑，話說同事曾經問我java個array index係0定1開始，我話0，但又怕記錯，咪上網confirm下。
但我睇到一個forum，有人話好唔明白點解java既array要由0數起，好多人就爭議起上黎，例如由0數起先合邏輯之類……其中一個人就回：Why do men have nipples？真係笑鬼死的。
其實，我考慮過買AV現場，或者女學生應召實錄，或者十六歲援交日記，不過感覺好似玩得串左D，到時特首抽中未出發先興奮就無謂了。而且而家呢本其實好健康的，同愛因斯坦為甚麼果D差不多，由科學常識變做健康/生理常識而已。
抽獎之前，當然係先上蛋糕。我唔明點解之前淫泰特首聽到買左蛋糕點解會問係邊個生日，而事實，上蛋糕是間房都無啦啦係到播生日歌！仲要未問過我事先幫我隊左一支蠟燭上去！ 喂！你唔見個版寫住「祝 CSIE人前程錦繡」架咩？(其實我本身上網卜，係想寫「祝 CSIE人前程錦繡 左右逢源」或「祝 CSIE人前程錦繡 財色兼收」，但親身去鋪頭訂時拗底……)
小小心意啦下。(挑！你都收返錢啦！擺乜Q野心意！)但，間K幫我地切餅，問題係佢又搬返出去切，但返到入黎之後，冇人見過搬麻雀及個祝福語牌！
本身以為唱通頂，點知無啦啦爭少少四點就離開了……
係一個寒冷既冬夜，兩個人搭通宵小巴，再係經杳無人跡既街首及馬路，由祥華一齊行返去火車站，係非常浪漫的。(LOVERSOUL！呢一段記憶既主題曲差少少就係LOVERSOUL了！)
可惜……
可惜……
可惜同我一齊行既係圈爺……唔係女仔，更唔好話係索女了……
我中學果陣成日俾人話唔合群呀乜乜物物，其實係因為我唔多想應酬罷了。但，我希望大家，都唔好當呢次或下一次聚會係應酬，唔駛扮有型有款扮成功人士扮成熟穩重，只係一班有緣一齊開心左三年既同學，搵晚出黎再一齊開心下而已，就同以往三年一樣。
No comments:
Post a Comment