唔知有冇人仲記得，香港曾經都有Tower Record的。如果冇記錯，就係響時代廣場呀下，印象中鋪面係大過縮水前既沙田HMV(當然，仲係沙田HMV收皮之前啦下)。
想當年，我去果陣好似最多中三、四、五。咁，果個年代我點會成日過對面海丫，更唔會淫邪到因為銅鑼灣靚女比旺角多就捨近取遠。
而且，Tower Records明顯唔係本地路線架啦，d野貴唔貴過HMV唔記得，但咁多年前佢已經有果d燈罩式試聽，即係你試聽是唔駛戴耳筒，行埋去個罩下面就可以聽，行出去就唔會聽到果種。喂，十年前起碼呀，今時今日HMV都仲要你戴人地戴過既耳筒呀真係。(講到耳筒好似鞋一樣！)
真係唏噓，要結業呀下，我指全線結業，撤出香港就已經撤出左好耐。
我到今時今日，仍然同好多人講，唱片既意義係邊到。你唔好林住，唔好為左駁故就林d平時冇咁林既野黎同我講先呀下，一陣先。總之，所有同我講聽歌唔買碟既，答我果陣都好簡單，「聽歌D/L咪得囉，同碟都冇乜分別。」
我都唔係Hi-Fi發燒友，我都冇靚耳筒可以令我聽到mp3同碟既分別。(其實係得的，靚聲識唔識分一回事，淨係好似won't get fooled again，mp3聽漏好野的，仲要記住我果隻mp3，是320kbps的)
(「車！你咪又係聽mp3！」，係丫！但我有Who's next同greatest hits my generation，即係，我有兩隻CD有呢首歌的)
問題根本唔係響呢到。
問題係邊到呀？自己林下啦下。
講開又講，有人話唱片公司之與mp3，就好似當年錄音技術既出現，歌唱家與留聲機既對抗一樣。最鍾，留聲機冇好似歌唱家所預期，留聲機會令佢地冇野做，而係令更加多人可以用唱歌做職業，歌唱家亦賺得更多，去聽現場既人亦冇減少。
唔，到底唱片公司又摸唔摸到門路點樣利用mp3呢下？(扮哂以open question結尾，其實我係懶得林個好既收尾而已……)
No comments:
Post a Comment