經過第一場之後，球迷熱情驟減，當然，我呢d本地波支持者(！)，係仍然會入場既，係個個有故缺席或無故缺席下，傳說中既淫泰突然殺出，最終成行都叫有「三劍客」(！)。
icq黎講，你可以見到我對於星期六要近工係幾灰。
冇錯，因為係第一次，雖則有大家都同我講星期六唔駛九點，十點之前返到就可以，但我都為免有意外，今朝九點三已經返到。
最灰既係，到左十點幾都係得我一個……我懷疑公司係走左兩個人，而果兩個人本身都係呢個禮拜出週……最終老闆未夠十一點都返黎。即係，有三個同事係同時短週……今日員工只有我一個……
係我閂首研究呢個森比安既圖書館係點樣可以印出多行文字，以及點解我連改個父與子兩個class都無法順利compile時，悶悶地都影左兩張相，當然，聲音要經過特別處理喇。
唔。
尚算準時咁到左球場，入到去都見到陳旭智係到了。當然，對手係傑志之餘，仲要排個正常陣，隱約記得既只係收起左司徒文俊(但唔記得出返邊個……我心繫大埔丫嘛，佢有兩個正選調動)。
陳旭智俾基夫放甩射入！型！之後仲要被鬼蓄傷出！要被性虐待救傷隊聖約一返！仲要傷出後球隊真係如我地所料入返一粒！
上場都唔明顯，但今場就真係睇到蘇來強係定檔過其他人的。我始終覺得大埔仍然有一段進步空間，唔係話抽水，話佢地唔掂所以大把進步空間。而係我覺得佢地仍然見緊張同唔夠放的。做乜野都係，由緊張變成亢奮就係表演既時間，但由緊張變成患得患失就可以收皮的了。
但今場，下半場傑志收手慢慢黎之後，有空間之下其實大埔都見到係踢得放左d了。
我記得佢地既目標好清晰，就係要有分，咁下場對聯華真係要加把勁了。(其實都係稍大既細路去恰細路而已)
尾場晨曦對流浪，流浪出返正選陣，踢得好返。晨曦黎講，兵源真係好有問題，中場係幾好猜，但鋒線唔夠銳利，馬斯奧呢種踢法，你點都要搵個人幫到佢開路的，但朱兆基點會係呢個人呢下？同埋今日真係俾我確認到，靚焜真係明顯細粒過朱兆基，睇電視朱兆基真係好細粒的……不過晨曦係有d果種常見錯誤，贏一粒之後唔夠決心入多粒，慢慢連開波果段組織都冇，到俾動作緩慢到可比安德列既蘭高域兩次妙射十二碼後先去谷(第一次唔算，點知第二次同樣射果個位同樣柱哂邊陳家麒同樣撲0岩邊亦同樣入網！)，呢個時候都沉返哂落黎，谷、谷、谷，谷what？
加油吧劉強耀仔，大吉我真係心淡左了，落場仍然有初出度既拼勁，但聽落場外黎講佢真係唔見得有心了。
完場我地去左同楊志國食飯，佢扮哂野話想入場睇，但又明明可以黎又用籍口推遲呀下！
No comments:
Post a Comment