今次MC想唔hit都幾難！

係咪可以套用曾特首名句：「今次MC想唔hit都幾難！」

MC近年既tied-up好似越來越多而且越來越有名氣(感覺總係有少少奇怪)。

以前好少會聽到人話：「我睇青春無悔/天使之愛/BUS STOP之後鍾意mr.children架！」

Antiques我覺得台灣多人係咁，香港黎講播而又播都唔係重點日劇(劇本太古怪了)，都唔似吸納到好多人，但近來Sign + Orange Days就好似真係可以吸納好多fans……

以上都係客套少少既說話。

你見我爆呢句特首名句，呢句俾人批評佢淺薄、天真的一個名句了，來自佢仲係做政務司(定仲係財政司？)北京成功申辦奧運後既訪問。

自問，感覺是很不爽。我接受唔到人地因為睇左Orange Days，聽左一首平庸既Sign就走左去做MC fans。當然時間可以沖淡一切

你可以話「關你乜野事呀？」當然係，唔關我事，但如果只係唔關我事我就冇感覺的話，我只係覺得呢句說話講得有d唔夠真心。如果同我無關我就冇感覺既，我就絕對唔係今日既吹水怪，呢個社會就應該比而家既冷漠更冷漠了，曾蔭權呢句淺薄既說話亦唔會俾人拎黎取笑。

你話，咁YUKI tied-up到TOUCH既時候你又咁高興？唔同，完全唔同，我所講既唔係tied-up既問題，而係睇到一個轉變既問題。mr.children一直都唔係under所謂大廠，我其實幾相信佢地同小林武史對於mr.children呢個名字以下既一切好有影響力同決定權。

好，隨你點講都好，係我多心啦下，總之我感覺唔好。

講開又講，上一篇講Man on the moon，我係撻左落床，一時間有呢種咁既感覺，又彈返起身去寫。因為趕住訓覺，又係乜冇proofread冇乜組織，近來果d多數都係咁，立一立眼已經好多別字、好多地方要改改先似樣。

冇計，「你估我唔駛做咩！」