大隊長陳旭智

尋日去左睇陳旭智處男下海第一場甲組賽事呀下，咁既戲碼仲要撞跑馬都有1214人入場，揭幕愉園對晨曦都係13xx，你話唔係因為大埔既地區叫座力就假既。

我地都十幾人入場啦唔好講少。

陳旭智黎講，算踢得唔錯啦，上腳都幾定，放個一兩個靚波添，幾夠信心同冷靜，不愧係「大隊長」，但防守黎講偶有大意跟甩呀下，不過有一下邊線單對單冇俾人fake到成功防守，真係幾型。整體實力黎講和富大埔就明顯唔夠人黎架喇，但最大問題係，尾場見到香港08踢得好好，大埔到底拎唔拎到分呢下？勤力d操啦，起碼唔好輸體能先，隊型就慢慢來吧……

不過陳旭智似乎真係上位了，賽後幾多人訪問呀真係。



冇錯，紅色圈果個就係陳旭智，其實間唔中體育新聞都可以見到佢既訪問的。

呢個禮拜六如無意外我都會入場的，睇下陳旭智點樣俾賓曹扭到一棟到冇，點樣俾三十幾張既基夫爆死，俾廿幾既阿古沙撞死！

入場人仕憑票可得大隊長陳旭智wallpaper一張。