睇報紙黎講

又睇到一單車禍。之前幾日，我都已經冇詳睇，今日報紙呢一單，實在心都酸哂，立左一陣都係睇唔落去。

所以都係唔好講呢d野。

最近睇報紙都幾多野睇呀下。

今日報紙有講Andy Warhol。



你都唔好話，呢到有提到唔知乜Hysteric Glamour出左個Andy Warhol Pop Art系列Tee，我轉頭係港聞見到一張影住阿sa(Twins果個啦下)，就見到佢著住果件Tee，前面就係有Andy Warhol既童年照果一款。我承諾我下一張買既碟，一定係The Velvet Underground & Nico呀下。提外話，尋日除左係我生日，亦都係我闊別左旺角二手唱片店唔知幾耐既終結日。真係唔知幾耐冇為左去睇一睇二手碟就走落去老旺。雖然冇收鑊，但就係我第一次上十樓(你林下，間野搬左上十樓已經唔知幾耐了，都唔知會唔會成年了)，佢d tag好搞笑的。「外語CD……分好左咪又係整亂」、「Irreversible，外語版冇字幕，點解冇字幕都買？絕對色情，絕對暴力，唔駛要字幕啦下？」呢套野入選左唔知幾多大最唔知乜鬼電影的，因為電影初期有一段雞姦聽講拍得好寫實的，故仔就好似係講女角被姦後男友搵兇手報仇之類，呢類片明顯唔0岩我啦下(！)。



呢個都有一段年間，唔記得份報紙係講乜。咁講到Boy George，早一排都係咁上報紙，不停報佢因為藏有可卡因而被捕，又因為冇準時出庭被判社會服務令，要去掃街。最後一次報導，白粉報既記者始終忍唔住手寫「過氣歌手」。雖然你見到Boy George由一個嬌俏美人變成一個好似加斯居尼咁既可愛肥仔，感覺的確有點唏噓，但如果你林到，一個八十年代出生既你都完全未聽過既歌手，今時今日香港報紙都仲有報導，感覺到佢係八十年代似乎真係紅透半邊天既時間，而家被呼為「過氣歌手」都實在令人感到比有點唏噓更加唏噓。

同場仲有David Bowie，呢個亦就係傳說中既Ziggy Stardust「星塵歌姬」既造型了。"Zippy played guitar, jamming good with Weird and gilly, and the Spider from Mars"，David Bowie Rules！提外話，最近高價買了一件Bowie Tee，實在是太開心了！



呢到黎講，雖然只係list過下d名，但大家都可以知道，Mr.Children、Bob Dylan、Lou Reed等等，都是我喜愛的東西，而且亦都唔係常見於報紙的名字。「關你叉事呀又？」……唔……無論如何，見到有人提起呢一堆名字，實在是太好了。

完。