點解架呢下？我已經話左舊blog唔會update，仲post埋呢個新blog既link去showhappy果邊。但係！連續兩日果邊既page load都多過呢邊！點解會咁架呢？
Can't explain
I think it's love
Try to say it to you when I feel blue
今日，姐夫吹雞喎！去睇香港 vs 烏茲別克，我呢d香港足球既支持者當然舉腳贊成。(其實非外隊既香港波……我好似好耐冇睇過……)
咁去睇波之前，肥佢地去左魚街，咁我就去左HMV，佢有2 for $130同$190，兩樣都有唔少好野執呀下。本來都忍忍地，點知出事就係，Who's Next同蕉碟也是2 for $130。唉，點忍呀！跟住仲要Diva只需$49……喂！我早兩日係HK Record見到係$75的！又買埋！
但其實，Who's Next黎講，我都有Baba O'Riley同Won't Get Fooled Againz，仲有幾首隻歌在DVD也是有的，但點解Who's Next可以撃敗諸如Pearl Jam同Gun 'n' Roses既精選呢下？
Can't explain
I think it's love
Try to say it to you when I feel blue
呢排真係捨身救港，不停消費喎！
嘩！今晚場波幾多人呀！我地上到山頭剛剛望到球場，聽到唱緊國歌了！之後我排左成四個幾字先買到飛，真係。暗渡陳倉下上左去包廂出面d位，氣氛真係好好，但其實我比較prefer坐下層，臨場感同氣氛都強好多。
陳旭智個朋友真係……波係唔錯的，但d戲就弱d。迫到人地兩黃一紅果下，我真係完全睇唔到有身體接觸，但事後先知原來係吹佢插水的，佢黃左，但對面唔好老脾衝撞球證先兩黃一紅。如果係咁，佢之後另一下仲明顯既做戲，唔駛食多張插水黃牌又真係好彩了。
豪豬可能係香港最後一個有卡士既Keyman了……真係令人感嘆。卓卓同豬仔都「勁到癲」！不過我遠睇真係認唔到係豬仔……仲係到估係咪蕭國基添，但蕭國基好似冇入選好一陣子了？可惜劉強仲未有態……呢個真係近年我最鍾意的本地球員啊！(感覺上耀仔又好似打唔起，細焯又好似唔見得好大突破，大吉又完全唔爭氣咁，你睇我叫得幾親熱，就知我扮支持本地波啦！)
但最重要都係76xx人既氣氛，係香港仲可以去邊到搵呀真係！$20我就可以享受「萬人小」既歡樂。但呢樣都唔係最重要，最重要係成萬人一齊齊心支持港隊！呢d先叫主場！呢d先叫球迷！呢d先係氣勢啊！
不過咁，球證是有偏幫港隊之感的。但豬仔既神勇同卓卓既桑治式演出，你又唔可以話港隊只是夠運。
今季南華大搞，呢兩場港隊既表現又好似沖一沖喜，本地球市可以復甦就真係太好了。
其實好多人都話香港波屎，不知所謂，唔值得支持，唔可以話冇道理。我雖然一直好少入場，但個心從來都冇話值唔值既問題。只要一日仲有本地波，我仍然覺得佢係屬於香港既足球，冇實際既支持但起碼精神上唔會完全將佢同我脫鉤的。雖然對本地波冇對外國波咁熟，但我仍然可以對唔少本地球員既名同踢法有一定印象的。「點解佢咁屎都仲支持呀？」真係：
Can't explain
I think it's love
Try to say it to you when I feel blue
好煩？係。
這是The Who的Debut Single：I Can't Explain的Chorus啊！第一張Single已經咁好，少見的啊！
No comments:
Post a Comment