So why not get high?
唔，咁樣起題咪仲好，好過果d乜鬼隨想。呢首係Lou Reed既Goodnight Ladies，非常好聽的一首，最特別係呢一句，lemon plea dry左後，你估唔到會即時接上一句，仲要係向上去的，不愧係Lou Reed！(你明我講乜咩？我就唔理得咁多架喇，返正都冇乜人睇，平時十句九句都冇人明！)
咁落去唔係辦法，我係時候要包隻杯買d茶包返公司。一黎d冷氣凍，二黎我開始係公司恰眼訓！最近兩、三日，都係成朝係到恰眼訓，得下晝係做野！拿，其實唔係咁的，我尋晚夠十一點幾(！)就訓左啦！但返到去一樣係咁！我覺得問題係在於，我近排成日要搵下d問題來自d乜，但全日都冇一行code要打，大佬，全日睇住d code實在係好易眼訓。
今日大佬終於有心理返下，有返d野俾我做下了，仲要寫UI添，真係開心。大家知唔知道寫Symbian既UI真係好開心的！自問係學校都做過唔少C++ project係要自己查library，冇問題的。問題係，我第一次用一個Library個doc係乜個UI d野講少少就算的。
下下都要上網摷得黎，google完唔會多過七版，每版唔夠一條link有用！拿，因為我要試下寫tab，咁我咪用各式字串去search左好一段時候，首先由symbian + tab/tabgroup咁搵到個class名，再用個class名去search，刁，少到呢。最底死係，通常search到來來去去都係兩、三個forum，好多時係2004年有人問問題到今日都冇人答果種。
今日仲search到呢個，果個人話："I got this problem myself today, and this post seems to be the only place that mentions the problem on the net. So now I've found a workaround I thought I'd post it here." 呢d咪就係好人囉！
沙比亞朗素中圈後即射！真係唔好講笑，呢球如果唔計d龍門生波直入(早排厄瓜多爾果個咪射死過曼聯後備古斯錫囉)，應該係我見過最遠的了(夏柏cake腳先救唔到呢d唔理了，呢到講距離)。成日有呢d半場遠射d人都講碧咸，佢果下係靚的，最重要係貼楣底入(但我覺得金球度點都唔夠柏金企鵝轉頭過達比殺斯果一下的)，但事實，佢入來入去都係呢一球，咁列高巴都入過，係中場前少少左路邊線來的，仲有斯洛伐克國腳阿斯莫域近年都入過，對烏克蘭時的，仲有前哈化柏林射手艾維斯射入科隆既普爾、德國邊緣國腳安斯射入多蒙特鋼門維丹費拿等等等等……
再講，遠程笠射黎講，沙比都入過兩粒了，都仲未講果個咁既羅渣，我記得好似唔止兩球(？)，仲要係唔知三週內定兩週內連入兩球的(？)。
都仲未講我地「香港最後一個指標官」既豪豬蔣世豪！佢果腳開波即射笠入，入埋健力土添！(不過keep左好似幾年就俾人破左，果條友好似又冇耐再俾人破)
呵欠。
No comments:
Post a Comment