我都唔知點解呀下，大家都知我係一個好深閏既人，連玩都請我唔郁既。
但唔知點解，最近做左侍衛，做左執行部，只不過服務既唔係一眾皇上咁解。
「喂，不如畢業禮個朝約埋食早餐。」
「好呀！」
「咁你約人丫。」
「頂，睇波己經係我約，做乜食早餐都係我約？」
「你係大佬黎架嘛。」
大佬，唔係坐係到睇班細既做野架咩？真係，你做我地呢d做搞手，搞活動唔係搞d幾個人，一搞就十幾人。而且我通常都係盡搵，因為參與活動既人仕好狗的，好少可主動幫你再約人。例如，佢想阿邊個邊個去佢先去，佢係唔會搵阿邊個邊個，係要等你去搵阿邊個邊個之後再搵返佢之類，真係。
0岩0岩約人，打俾打靶Jason(週雯改，唔關我事)，竟然係長途電話，等我之前打過兩次響佢電話添。
講開又講，唔單止人氣不如舊blog，我揀呢到其中一個原因就係鍾意佢d留言，頂，都冇人留既，得一位網友留過而已，大家可見我份人人緣係幾咁差，係如此這般的一條仆街。
唔得，越儲越多野想講，但冇時間好好整理！
又係咁兒吹兩句就算了……
No comments:
Post a Comment