2006大事回顧

真係，2007都過左1/24先黎回顧舊年，電視台同d報紙咁做野就真係收得皮。

一月
……非常平靜……冇大事發生過……

二月
二日：開Sem，人生最後一個學期正式開始，發現272變左係大抽蘭教。
三日：買新手提電話，Motorola既E100，終於與用左五年半既Nokia3310及我親手劃既YUKI Wallpaper講Bye Bye。(其實，間中都可以係我msn見到呢張wallpaper的)
十四日：發現http://www.judyandmary06.com！
十九日：去左睇陳奕迅演唱會，相當唔錯。
二十五日：去左睇Oasis演唱會！Maybe you're the same as me！We see things they'll never see！You and I are gonna Live Forever！！！地點為亞洲國際博覽館，Oasis係第一個音樂單位在該場地搞音樂會呀下。
二十七日：第一次玩戰國無雙2。(咁都算大事……)

三月
八日：應該係有一次MC網聚，因為我果夜係旺角撞到陳旭智，可能係Ap Bank Fes' 2005 DVD大會？
二十五日：天寒地凍一朝早起身去考IELTS……
二十九日：梁曉域在LG7被響全朵。(突然先發覺曉域個全朵同阿洲係咁似呀下……嘿)
三十日：同週雯拍住拖去文化中心睇太鼓之達人，是為本人第二個古典樂音樂會呀下。力迫流行樂演唱會！(陳奕迅咪係第二次，Oasis咪係第三次囉！)

四月
四日：去左聽勞師宴既校內演唱座談會。
五日：去會展睇藝術畫拍賣會既預覽！幾咁風雅！講出黎都突然覺得自己情操高尚左！唉……
八日：發現左耳出現疼痛及耳鳴，及後頭暈及平衡能力出現問題達一星期。冇睇醫生。
十一日：去左拎IELTS成績，成績比預期低而非常憤怒。
十九日：了結左FYP Report。
二十七日：了結FYP Presentation，一切無事終了。
二十八日：薩達姆侯賽因生日，唔，仲有我家姐生日。同日，K隆星人Keroro軍曹進佔本人家中。
二十九日：FYP組員陳旭智上電視。(講到好似同個FYP有關咁……)

五月
五日：了結FYP Poster。
旭：睇左呢個Jazz Improvisation既Concert，非常精彩！但週雯卻Miss了。
十一日：朝早六點社一警鍾誤鳴！之後演變成一樓細wing早餐會……成十人去食早餐真係少有到極，除左211果個sem啦下……FYP梁曉域組既「情色照片(咸相)辨認程式(頂真句！)」海報在官方認可下公開展出，由於海報內有露出成份，甚至更有一張清晰既西照，於科大校園內傳為美談。
十二日：梁曉域組海報被拆除……
十六日：阿根廷領隊拍膠文棄選藍星上最佳右閘之一既辛尼迪，改選韋斯咸都唔要既史卡朗尼，原因為史卡朗尼為人幽默，於更衣室及練習場上作用極大(拍膠文佢真係咁講架！)。
十七日：三年科大生涯的Last Day。
二十五日：完成大學生涯最後一次考試。

六月
四日：Roomate Sean擺酒，去左做兄弟，人生第一回啊。(唯一貢獻，就係其中一個遊戲時及Sean講心聲之後做即時詮譯……)朝早離Hall之後，正式脫離宿舍既生活，至今亦從未踏足住左三年既Hall One 119。

七月
二日：God save the queen! We mean it man! And there is no future in England's dreaming!!!!!!!!!!!!!!!!! YEAH!!!
二十日：倉鼠死忌之日，一個人去左行書展，是日亦為大粒燊生日。
三十日：MC唱K大會，應該係本人第一次公開演唱Judy and Mary既歌呀下！！

八月
Hea左成個月……

九月
一日：生日！仲有轉Blog了。
三日：MC唱K大會，J-sound25！好多英文歌的地方！
六日：與姐夫、肥偉、姜啤、短成及其餘七千六百幾人去大球場睇呢個亞洲杯外圍賽香港對烏茲別克。
十日：和富大埔第一場甲組賽事，陳旭智領軍！同時有過十位同學去撐場呀下，不過之後次次都小貓三四了。
十一日：第一份工。(其實full-time黎講應該係第二份的。)
二十九日：增援既和富大埔主場迎戰南華僅負2-3！

十月
九日：和富大埔第一次係大球場比較！隊長陳旭智被貶為後備！
二十二日：和富大埔聯賽首捷！4-1大破香港08！
十一月八日：科大工學院畢業典禮。會是大家最後一次一起吃早餐嗎？(佢老味！下次聚會一於食搞早餐！)

十一月
十二日：和富大埔神奇擊敗上屆聯賽冠軍愉園！隊長智都叫做落過下場咁。
二十六日：和富大埔奇蹟返勝聯賽領頭羊傑志！陳旭智踢足九十分鐘！

十二月
七日：人生第一次辭職……
十五日：第一份工的Last Day
十八日：返新工。
二十九日：特首陪你過聖誕2006，第一次深宵由銅鑼灣返屋企呀下，返而尖咀、尖東及旺角之前都叫試過。