有冇人有興趣睇但未睇？
早排未搵到工，睇返哂1-5黎嘛。
第一集，唔入流拳手Rocky意外被安排挑戰拳王Apollo，係賽前一面倒既形勢下捱到冇被KO。
第二集，Apollo唔順氣KO唔到Rocky，再打，點知Rocky贏埋做左拳王！
第三集，Rocky做左拳王，但係佢開始放鬆落黎既時候出現左打法非常狠既Mr.T(真名，摔角手黎，唔記得左佢戲入面叫乜了)，Rocky唔至輸，仲俾Mr.T打到怕。同時經理人Mickey過身，老婆又大肚時發生意外，總之，老對手Apollo決定做佢經理人扶返佢上去。
第四集，打蘇聯佬，呢集應該比較多人睇過。Apollo係一場非正式賽事俾蘇聯佬打死左。蘇聯佬著草走，Rocky為死去既Apollo遠征蘇聯。
第五集，退休後既Rocky教條友打拳，但條友被「偽．唐京」用錢買左佢，其實偽．唐京係想用佢引返好受歡迎既Rocky上台挖多筆，最後失敗左，Rocky同Tommy係條街打起上黎，Rocky勝。全集Rocky都冇上台打過。
唔知今集講乜了，但好明顯背景會留返係經典既費城，仲應該會有Rocky幾集都有出現既練習情節吧？
仲有，好想知道，今時今日拍Rocky，擂台上會唔會拍得比較認真呢？
之前果d，Rocky第一回合就垂哂手，突個頭出黎俾人打的……
Rocky原先既外號係The Italian Stallion，而史泰龍拍既第一套戲亦因此改左戲名叫The Italian Stallion再發行，是一套咸片來的。
嘿嘿，熟練度比較低，不過其實我影完呢張，連打左幾場了。
No comments:
Post a Comment