南華 vs 利物浦補飛

我身後有位哥仔，懷斯一入波：「Waow(留意拼法)！抵啦！呢一百蚊！淨係呢球都夠啦！」(不停重覆呢個point)我忍唔住同姐夫講：「不如俾一百蚊淨係睇呢一秒丫！」

之前李海強入自由球，「Waow！仲靚過懷斯啦！」(不停重覆呢個point)我再同姐夫講「李海強踢港甲架喎，你俾二十蚊就有得睇，係咪仲抵？」

當然，真相係殘酷既，李海強平時自由球射就成日射，但其實冇乜點入……呢廿蚊都係……

聽日原本話去，但傳說冇飛，取消了。

今次係我第一次坐南看台，如果我冇記錯，我次次入大球場都係座西看台，即係比較少上電視果邊，底層坐得最多，高層(港聯只有陸冠邦一個華人果年既賀歲杯)同中層(早排既烏茲別克)各一次，北看台就係上次利物浦訪港坐過一次。

沖涼先。