今朝返工，行到去我平時必入果一個入口排陣，一時間嚇左一跳，我竟然見到黎祥愛將黃鎮宇。喂，做乜我以前唔見佢架呢？睇佢個袋咁多野都似係去練波，一朝早同佢迫火車呀下。乜佢原來咁鬼高，資料係179但我拍埋去(佢同我迫係埋一齊，佢仲企唔穩搭左我膊頭一下，但佢又幾鬼有禮貌講唔好意思)，我覺得佢好似爭陳旭智好少，資料黎講陳旭智高佢兩吋架喎都應該。
咁當然，我冇理佢啦，話哂佢而家簽左華家堡，都算係大埔既敵對球會(由高層執位至聯賽目標都算係對手了)。
係火車撞到黃鎮宇黎講都事小，我去到中環轉車，部車一開門仲要行個伊雲羅出黎！(巴西佬都認得？)我深信果個如果唔係伊雲羅既話，佢就係伊雲羅既孖生兄弟，或者同伊雲羅99%相似既人！
講開又講，我今日其實一樣係平常時間到月台，但除左見到平時見唔到既黃鎮宇，仲見到一個科大Busi既女仔，我當然認得！佢同我前roomate都做過一陣莊mate兼佢明顯係hall one人(唔係hall one人都肯定係hall one蛇)。最奇異既係，我朝早係粉嶺月台同埋尖東時係車箱見到佢以外，放工我係上環上車，佢係落車的！
完。
No comments:
Post a Comment