原本星期五係林住同Jackel去睇Planet Terror的，但係放工前短成話正人君子燊約我地燒野食去慶祝佢生日，最終係「你地重要D！」呢個教晦下，我都決定將Planet Terror搬去星期六。係我開緊會期間黎講，姐夫打黎問我係咪燒，我話係，
咁等短成車時我咪順手組織一下星期六既節目安排。咁好喇，短成車到，居然話仆街燊話一直都話係去佢到燒，等等等等。呢d就真係唔知短成同正人君子燊點溝通了，但如果真係入東涌燒，好明顯一定唔成事啦，起碼我一定唔會去，在場阿成父母都即場話有冇搞錯，講多兩講，其實去東涌佢屋企燒，不如去石澳、去西貢去赤柱woohoo啦……
最後三個人加一隻貓咁燒，吹下水背叛下人，幾爽，同埋短成屋企夜晚出面真係幾涼爽。woohoo！
禮拜六就同Jackel阿洲一齊進軍書展，迫來迫去咁啦，得個迫字，走果陣仲要打蛇餅，令到我地遲左去到戲院！頂佢！我miss左段假trailer！
戲就俾想像中少d好笑既地方，我最鍾意既就係科學家講左d唔知乜野廢話，同一班人沖唔沖過去唔知有乜關係，根住好拙劣地探頭然後無啦啦俾人一槍爆頭。唔知係咪B movie好多呢種同決定無關既解釋，但呢一段真係無聊到極，硬膠指數真係捉夠拎去挑戰達爾文獎。
冇乜口水……唔講。
連哈利波特都唔識串，點會鍾意哈利波特？
No comments:
Post a Comment