哈利波特簡直係異常討厭。
當然，鍾意睇當然可以，我亦唔會話鍾意睇果個係傻，事實我冇乜睇過，我唔會有乜特別評價。
但首先，我對呢種Over Hyped既現象本來就異常討厭。我地唔好講佢而家呢種劇力萬鈞、死人林樓到底係本身作為兒童讀物已經想係咁寫，一話到底係一賣成名以後為左配合其他媒介既商售而做既決定，由得佢。
疲勞轟炸故然係討厭。聞西密碼都係非常之hyped的，亦令好多「文人雅仕」突然好似好認識Dan Brown，呢d我覺得倒係其次。哈利波襪時間長得黎，全球傳媒不約而同地一齊幫手煲，書商幫手煲，作者又一齊煲，由故事以至宣傳咁多年黎都貫徹始終，每次穿少少你知，講d唔講d，仲要係連作者行出黎話你知有兩個要角會死，當中果一份夾雜銅臭無聊既低品味，無所不用其極地刻意挑逗讀者，真係好鬼嘔心。
到底係故事好到出奇令人要得知劇情而後快，定係商人有心營造一個似乎全球有識之事都希望知道故事結局既氣氛，令人覺得身為有識之仕不得不參與？
我從來冇聽過任何一個人同我覺睇完哈利波特有乜感受，故事點樣起伏轉折又或世界觀係如何地吸引人，引人既只係營銷手法，每一集都係下一集既預告，所以有關報導都係預告，而高潮唔係故事而係開銷既一日，到底結局係乜根本唔重要，重要既係「書迷」們可以知道結局了卻一件心事。
邊個死唔死，點解邊個死邊個唔死，邊個死唔死有乜藝術效果，完全冇人有興趣，故事亦唔需要有任何意義，呢d根本就係師奶劇既寫照，只係包裝唔同被吸引既人唔同。
單單係呢d咁既手法已經令我感到討厭，當然如果故事或文筆或世界觀真係可以令人驚為天人，我想我未必會討厭佢，但我唔認為哈利波特係。
No comments:
Post a Comment