So this is christmas, and what have you done?
another year over, a new one just begun.
John Lennon唱道。
呢一年，做過d乜？睇Oasis，畢業，搵工，返工，轉工。
聖誕做過d乜？頭先去左短成屋企燒野食。
最近有人同我講，話覺得小學、中學識既朋友並唔及大學識既朋友。因為大學時候識既朋友係你自己選擇，係因為溝通得到而走埋一齊，中小學既朋友只係因為細個生活圈子狹窄而被安排埋一齊所以先熟，清楚對方既背景，並唔係真正可以交心。
聽到既時候，我果陣真係有少少愕然。我唔係咁容易有呢種反應的。
我只係希望，人與人之間既關係可以簡單D，又可以真誠一點，唔係互相估來估去猜度之類。所以有時，唔好怪我好主動講埋問埋D一般social唔會講既野，因為，我唔係social緊，我係覺得你係好人，想同你可以做個好朋友。
中小學同學時交不了心的嗎？我返而覺得，一齊長大，返而更容易交心吧？講返工、講溝女、講前途、講乜中學時唔會講既野都好，大家仍然可以好似中學果陣咁，咁真心咁講野，玩既仍然係中學時候既低能野，感覺仍然係好舒服的。
其他認真的大學問，留返同其他人應酬先用吧……
大家都老了，真正算係老朋友吧？
都係早少少訓，聽朝起身，再訓醒之後，就要上班去了……一早已經唔係中學生喇。
No comments:
Post a Comment