Holding on to never say goodbye!

唔知點解，一直都冇林起要係youtube搵返呢首既MV黎睇下，呢首我係電視都好似冇睇過。

呢首真係人生主題曲之一。其實我一直都想問，呢個Chelsea係響邊架呢？雖然我唔知，但我可以肯定美國一定有地方叫Chelsea，冇可能冇的。而根據Jon Bon Jovi既出沒地點，呢個車路士係好有可能係新澤西或紐約一帶的。

不過又唔可以排除係英國果個的。

只有係半夜，先可以做回自己。



好勁！真係好勁！我冇乜林過斌周肥(Bon Jovi)會有d咁既野睇，Richie Sambora真係型到呢，結他彈得型，和音唱得型，個人都型！

講開型，Bon Jovi又同湯箍s一樣，係矮了幾寸的型男……

可惜可惜，因為變得咁技術版，Living On a Prayer冇哂係Chorus到唱到Jon Bon Jovi要去做聲帶手術既瘋狂高音，硬係爭d野呀下。我始終覺得斌周肥既舊歌，好多平均水平都要比It's my life好的。



你睇到嘛！你感覺到嘛！果個係乜野標誌！

呢首差不多係鬼佬版既告別校園時，聽講九十年代時好多鬼佬學校畢業表演係唱佢的，呢個live版演繹只算係一般水平，可以更好的。



錄音室版本！真係不可不睇，主要係首歌不可不聽，soft metal/rock ballad既精華都在這首歌了。