唔係陳旭智啦。
對公民一場，陳旭智犯個低級錯誤，見哂報，真係威。其實場波之前一直踢得唔錯，點知搞呢壇野，加埋d前因後果即時入左冷宮。
點知今場對流浪，祖爾半場唔頭，撞親後腦，頂多十幾二十分鐘都係頂唔住，要換，仲要即時call白車去廣華照，佢老婆都去埋，但冇帶個仔走……祖爾仔第二場唔駛睇波，係十七、八段走黎走去，同個0靚妹係到「捉依因」……(之前陳旭智捉過佢過黎俾我影相，但佢死扭唔肯)
陳旭智咁又有得踢喎，都唔錯，保持到球隊既防守戰術，一捕一包呢個高梵……
最近某本地波輪壇係到講本地球圈邊個最快，d人連葉志豪都講埋(唔係話佢唔快，但佢唔係真係好快，而且體能同身位……踢波唔係下下都有人讓條跑道俾你架嘛)……好老實近兩季我睇過既波，冇一個夠高梵快掛？呢個真係快到冇譜，安基斯又好，梁子成又好，快極都冇高梵咁誇，起跑果下d爆炸力真係火箭咁，仲要身位同平衡力都好好，對聯牛第二球就係平衡力加速度既表現，一拍之下凌空仍然冇失平衡，落地即時起步推，邊線傳中被解圍但防中友友禁區頂撞射，射都網都爭d穿咁。
講返對公民果場，果場係當日頭場，尾場係流浪對聯牛，開波冇耐就有個著住流浪練習衫既人坐左係我隔離(離四五個人左右既空位)，睇睇下佢突然問身後面d人「大埔個10號仔係大陸仔定香港人？」後面果班應該係大埔既青年軍，個個望住佢冇反應，我咪答佢「係香港人黎」。
之後我搵左陣書唔見流浪入面有佢，到流浪落場見佢著三十號，我先醒起佢應該係潘文俊，本身都叫做掛左靴(好後生掛靴，但香港球員就係咁，都仲踢緊奧運隊既唐健文都想掛靴，搞左一輪先話繼續踢，借左去東方仲踢得唔錯，香港球員係會因為前途問題而收山的)，業餘咁踢過乙組既石硤尾，今季去左流浪做助教，但人腳唔夠佢註冊埋做球員。
(desktop仍然未救援，要死既始終會死，未死既唔會被傳染，慢慢黎唔駛急，我估都係display card架喇……而家d新display card係咪都係行pci express，好少agp架喇？)
No comments:
Post a Comment