Substitute by The Who，的確係一首好歌黎。
其實，本身個title係"See you in heaven if u make the list"。但冇辦法，你去過天堂就會知道自己住果間屋係豆腐潤黎，自己係含住膠羹出世。
其實本身短成背叛我，我都想照樣去網聚唔去天堂受審的，但臨出門口姐夫都出現叫我去，我又真係覺得唔去好似有d仆街。
講起大尾篤要正名做大美督，都痴根既。我知，樂富以前夠叫老虎啦！調景嶺叫吊頸嶺啦！
我唔理！總之我第一次知道佢係大尾篤！佢呢一世都係大尾篤！
運頭塘都仲叫運頭塘啦！
陰澳好好地又話叫欣澳，教壞哂d細路，唔怪得欣宜俾人叫陰兒，X欣健俾人叫X陰賤(你都仲夠膽好似自己冇份叫咁……)！
返工既生活實在乾淨……難得一晚狂爆「俗語」，真係精神爽利。
有流言話，我冇出席網聚係席間成為左抽水對像……
又，我果日既裝束唔可以去飲咩？我去飲都係咁架咋，外套 + David Bowie Tee + 牛仔褲 + 便服鞋，又唔係做兄弟，份乜鬼野咁隆重姐！唔熟既人我冇興趣扮哂隆重，熟既人就唔會介意吧？我重申，我又唔係做兄弟！兄弟既野緊係短成做架啦！
而且，我根本唔係去飲，如果夏天，只係去天堂食野打機聚賭，我玩下手踢拖就算。
好老實，我試過又係便裝一度去做迎賓，見到一家人有老有嫩，都係衣著簡單，除左有個二十上下既麻甩仔一身MK老西出現……
你想點姐。
而且，大家都知我份人幾咁古板，經常板起面孔，不苟言笑，點著人地都覺得我好認真架啦！有乜所謂。
No comments:
Post a Comment