今日禮拜五，月頭，實在係駛錢既好日子。
其實我並冇林住去買書的，Dylan自傳只剩下一回，但其實仲有好多書pending，但我既然去得禁錢，只係行多幾步，忍唔住都入去行下。
「不經意」咁見到本Andy Warhol，唔……好似又貴又唔係好多字……算啦，買埋買囉，今次唔買下次都會買。
點知又多手，拎起左邁克呢本性文本，睇左幾頁好好笑的。其實我之前都買過佢本迷魂記。我唔識佢，但感覺佢好似成個波希米亞人咁呀下，可以用藝術興趣當飯食既人咁，呢個年頭應該唔易做的。
本身已經放低。但，1)月頭，2)遲早都要買，3)六十幾蚊姐……放低行左幾步，折返拎返上手！
之後係hk record所見所聞。
Pulp係咪已經解散左？好幾隻碟一齊出deluxe edition咁款，近年好興拎d舊碟黎remaster加埋d demo當deluxe edition咁出，最弊我又係果種覺得幾十蚊冇乜所謂既人，唉。
我差d就買返Different Class同This is hardcore架喇。
我突然覺得，我最近並冇沉迷任何野，你可能話係Iggy Pop，但我係hk record果一刻，我既感覺竟然係覺得，近排聽得太粗野，想聽返d好聽少少既野。或者因為呢個禮拜都係到聽返黃耀明，突然被美感既觸覺濃罩住呀下。
Nirvana、Sex Pistols、Bruce Springsteen……本身排緊隊既碟，突然全部都唔想買住。而我又唔見果頭有Salyu。
最終，買返No Direction Home。自傳第一部就睇完，可以睇下傳記紀錄電影了。
恕我無知……我真係今日先知Roy Orbison係白人……
幾勁，走果陣係火車撞到姐夫應一應，第十卡左第二個門口正向挨牆，簡直係我既指定位置啦，佢企左我個位喎！
網友send黎俾我睇，我重睇又重睇……真係令人興趣到極。
請睇到最後，然後同我一齊大嗌：蘇苪呀！！！！！
真係正到丫！片中可以見到無數天皇巨星。
85年，二十年前。
你睇下果陣時，譚詠倫同張國榮，絕對係偶像派啦下話？你睇下倫伯？雖然只係廿五歲已經會忘記歌詞，但唱功根底真係非常札實的，你要明白啊，佢係真係屬於非常非常既偶像派果種。但唱起來黎，比起今時今日果班騎呢蘇自以為偶像，唉……
即使張國榮，一樣可以好好地原成一首歌。我成日都話我聽歌其實唔係太理「好聽」，問題係，你連基本野都冇，根本就唔會有乜所謂既特色，唔會可以突然出色地演繹好一首歌。張國榮唔係特別唱得，聲底亦唔好，但唔代表佢連好好聽一首歌都會有問題呀大佬……可況在風格及演繹上佢係頗有一套，好有特色的。
蘇芮！殿堂級啊！
盧冠廷自己有冇唱過銀河天籟傳說架？買返隻精選先得。
No comments:
Post a Comment