張慧慈

講明先，重點唔係呢到。(呢一篇野港女睇完就會祟拜張主播就不在話下)

呢篇野有乜問題就唔講了。不過第一次睇，真係笑鬼死我的。

但張主播被封為港女極品，心有不甘而大呼冤枉，話表面係講金，入面係講心，話d人竟然睇唔出云云，真係，由此可見佢真係港女了，完全係港女思維。

學黃興桂話齋，港女一個字講哂：虛偽。

張主播話係講心，意思即係，我同你講金果陣就係講心，你同我講金果陣就係冇心。我要哂你d錢，你肯俾就係有心，唔俾就係冇心。不知佢d男人們有冇話要哂佢d錢了，亦唔知佢肯唔肯俾哂條仔喇下。

我都覺得佢第一條仔有問題，如果唔係本來就玩厭主播想飛佢，就應該係為人係絕種好男人，講大話會喊的……講笑，其實我覺得，結左婚d錢就冇得分架喇，主播初戀情人當時可能只係十五歲，仲儲緊錢買紅白機。

只係，張主播自己先開口要哂d錢，留錢不留人，留人不留錢，此之謂講心，不可謂不港女。

港男：你肯唔肯同我玩SM？
港女：唔得！
港男想：此女娶不得！連SM都唔肯玩！之後大把野唔肯做！
……
港男：你肯唔肯同我玩SM？
港女二：今晚就黎啦頂！
……
港男二：佢呢段情話好特別！佢真係而家都一直有同你玩SM？
港男：係
港男二感動至嗚咽。
……
港男：我唔係同佢講SM，唔係話有SM先同佢一齊，而係佢肯同我玩SM先係有心！


唔講錢可以講下第二樣架嘛！不過，真係咁樣都唔係講SM，唔係冇SM冇得傾嗎？