我真係好耐冇睇過戲了。今日去左睇World Trade Center。唔，上一套已經係Sin City了好似(？)。其實我覺得唔可以話好好睇，但要睇下你從乜野角度了，從娛樂性、故事性等地方去睇真係欠佳，雖則話係奧利華史東，但大導失手一直以黎都唔係乜新鮮事。不過，始終911事件都係近年最令人震驚同感到可怕既事件，雖然已經盡可能避開一d對倖存者或未亡人重新造成傷害既畫面，但當你同畫面上尼古拉斯基治等人一齊置身世貿之中面對大廈突然倒下果一刻，縱使親人不知死活既情況下至親既憂心、最終平安回來眾人既興奮，已經一直係不同既荷里活電影入面重覆又重覆，但人非草木，加上故事係如此實在又如此接近自己，縱使電影唔算拍得好好，感人既效用的確因此而被加倍。
起碼，你見我訓得四粒鐘兼返工再去睇都冇睇到訓著，大抵都未算悶得好緊要吧。
好耐都冇俾人老點了，但睇完戲食完野，話去買波，三條友就俾短成帶路，由又一城去南山村食野再由南山村穿過石硤尾行去深水保買波！我頂！佢話行兩個字就到！你林下果到幾多個火車站！我地最終要去黃金出面果個地鐵站走！
題解。
Kiss my Royal Irish Ass
就係呢條友，紐約消防員Mike Moran，係911失去左父兄、12名隊友及20名消防美式足球隊隊友。
Pete Townshend中間一段仔Solo，係其中一個我聽過live版本入面其中一個最好的。當然，我咁講，Pete當然係會一次Solo彈既野都係唔同啦。
入場既所有觀眾，就係響911事發後係災場內救人既警員及消防員等。
唔爭在整埋首Baba O'Riley出黎了。可惜係Roger負責吹口琴取替小提琴既版本。(其實好少live會搵個人黎拉小提琴的，Royal Albert Hall時就話有嘉賓Nigel Kennedy黎拉姐，所以我亦比較喜歡Royal Albert Hall版)
No comments:
Post a Comment