燈~櫈鄧燈鄧鄧櫈 燈~櫈鄧燈~燈櫈

無錯，只要你有一家中文水平，又有不俗既搖滾樂閱歷，就知呢篇個title其實係來自Jimi Hendrix既Voodoo Child既Intro。(「你是認真的嗎？」)

尋晚電視播Black Hawk Down(定Dawn？總之係唔知鬼黑鷹乜野果套)，我冇睇，但一聽就聽到佢入面有呢首歌，但事後查完來果個唔係Jimi Hendrix版本，係Stevie Ray Vaughan版本。見過好多人都鐘意拎兩個版本黎比較，又話乜搖滾唔同藍調、大家唔同feel之類，嘈左好耐，又有話Hendrix手結他其實唔快等等。

講到尾，即使你可以係結他速度跑上面跑贏Jimi Hendrix(我深信好多metal友都做到)，冇意義的，佢仍然係結他之神。

只要你林一林，到底係邊個第一個彈到呢一段係人一聽都會永遠記住既intro出黎就已經知道，點解Jimi Hendrix永遠都被尊為結他之神了，音樂不是賽跑啊。

今日襯早左收工(唉)，走左去睇下書，一野就買左呢本。好野黎架，$160，但絕對係值，你睇佢既內容，佢講既野，係真真正正有思考有分析咁出黎。刁，隔離果本圖多過字，介紹The Who及Yardbirds都係每人求其二百幾字，咁就已經賣$133，wiki都多料過你啦大佬。

其實我想講好耐，但又忍住，其實我應該唔止一次見人將搖滾樂同希臘神話既酒神狄奧尼索斯拉埋黎講(原因你自己參詳下)，搞到我一直想寫個故仔，講下酒神帶呢個扮尊貴扮高尚既阿波羅去睇rock show的，但一直都收皮狀態中，冇計。

真係，到底乜野係搖滾樂呢下，我真係好想講下我既睇法呀下，唔，但我冇精神冇時間呀下。