Rolling Stones呀下。
唔，話說今日五點鐘收工，咁早？中秋早放丫嘛。不過其實，平時既官方放工時間係六點。
「咁都唔係早左好多咋喎。」
哦，咁官方係六點姐，我尋晚九點先走，前晚八點半，所以今日已經叫早左好多架喇。
其實老闆宣佈四點可以走人既時候，我一早就知起碼五點先有得走啦……
襯早收左，我就聽住Won't get fooled Again直闖Page One，我睇報紙，有人講有一本關於Andy Warhol既書出左中譯。
刁，唔見喎。
題外話，出左一本一書兩冊，叫「搖滾」既書。一冊都只不過係$133，絕對唔算貴啦，印刷之精美，圖文並茂。
買？我當然冇買。喂，佢字少得黎，只係講一D你上網可以睇唔到睇既搖滾樂簡史，兩本加埋要兩舊幾水。
內容都不如一般一舊水有找既中譯既鬼佬講搖滾史既書。
睇到一本應該係Rolling Stone編寫既英文書，名唔記得，大約係一千張你死前必要一聽的大碟之類既野，按年份排名，但有d比較重要既碟係講足一版，另外一d就幾張碟迫埋一版。我冇詳細睇，只係立下咁樣，David Bowie既Hunky Dory同Ziggy Stardust就緊係榜上有名啦。當然，其實佢數到成千張，Bowie好多碟都入哂榜啦頂。
咁呢，我見到Ziggy Stardust到有一句，話當年搖石雜誌既評語係此碟「at least 99/100」。其實我不嬲都話我唔鍾意唱片係用分去評價，因為最大問題係你好難搵一個標準，你用乜野標準去評分呢？尤其是個scale咁微，83數面上一定係好過82，但問你兩隻碟之間既高下，咁其實你可能都答唔到。甚至，你俾左Who's Next 90，之後隔左一排俾左Quadrophenia 95，但後尾你先發覺你覺得Who's Next係好d的(我冇講過Who's Next好過Quadrophenia，呢到只係舉下例，唔間中舉下，就會俾人當不舉了……係，有位我就入架喇，就講賤野架喇，唔鍾意咪唔好睇)，呢種情況其他係累試不爽。
咁，如果唔用想用分又或者唔想講at least 99/100去講既，或者你可以話「one of the best, if not the best, in rock'n' roll history」，又或者「the album kicked most asses of all time」。總而言之，呢一張Ziggy Stardust，我實在只能夠話，我唔知我可以搵到乜野缺點，我只可以話或者搵到既優點唔夠某隻碟多而已。
你林下，你仲林到有邊隻Glam Rock碟可以經過時間既洗練到今日有條茂利聽完可以講完又講？有d有聽開鬼佬野既人都話過唔識Marc Bolan，今時今日講T-Rex大家淨係記住麥基迪架姐，樂隊黎講已經係who fuckin' cares。而事實，你唔識Marc Bolan同佢隊T-Rex，冇人會覺得你唔熟搖滾樂的，因為事實上佢地既名字的確只係刻係化石上面，只有d史家或者年過四十既人先有機會會談得到，同David Bowie呢個刻左係時間巨輪上面既名，的確係有d分別。
中秋！
咁，我唔知點解要中秋先黎人月兩團圓，而，所謂人月兩團圓，只係同班朋友去燒野食啦、唱K啦、睇戲啦。好喇，話乜節咪又係一日，又要話咩要黎搵籍口約埋班朋友一齊去玩，咁就乜鬼聖誕又係玩呢d，中秋又係玩呢d，你老味節日唔係應該攪d節目氣氛架咩？中秋去唱K，上個禮拜六都去左啦！丫！有，去飛鵝山/山頂賞月嘛，d港女好鍾意架，咁，其實佢地真係想賞月咩？想有節目之嘛，而且冇錢港男冇車車佢地上去，佢地就唔會同你有節目架喇。而港男，就當然係賞月，不過唔係果個月咁解，賞月黎講，其實應該係試避震……
唔，玩火黎講，人老左就怕死唔會玩了，你見以前煲蠟，已經係全部都廿五樓下架啦(會對煲蠟噴水果d就十五樓下)。
No comments:
Post a Comment