異形續集

去左亞視喎！

繼續講蜘蛛俠。呢一套可以話係史無前例地成功既美國英雄片，我其實真係冇睇一同二，唔知佢其實同其他有乜特別……而我睇完三之後，我會認為佢係控制得最好最好既英雄片，娛樂性節奏都真係一流，老編、餐廳都係笑到拍哂手。另外，係愛情線落墨最多既一套英雄片。

至於你話有乜野地方描寫得好深刻呀，例如仇恨令人變質呀果d，的確算係咁，以一套娛樂消閑片黎講都可以，深刻就實冇佢份架喇……

一般人出到黎戲院都會識得講，話仇恨是不好的，睇下蜘蛛俠就知。但電影有冇幫到你更加了解乜野係仇恨，仇恨如何令人變質？要點係邊到？Harry知道有仇就乜都唔埋去打佢老母，但冇仇又即係做返好朋友，仇恨得實在好片面。

我成日都話，睇電影好，聽歌好，乜都好，當然可以係技術上做得有幾好，好似蜘蛛俠係商業範疇黎講技術層面是第一流。問題係，當你講到能唔能令到我喜歡，就唔係話套戲好好睇，又或者首歌好好聽。而係睇呢套戲，聽呢首歌，有乜野可以令我有一種好喜歡既感受(咁呢到唔多唔少都同外在技術有關啦下)，又或者可以為我帶黎d乜野思考之類……

一定要有精神層面上！

正如Tommy！你睇我聽左幾次已經幾多野講就知啦！係咪？

所以，淨返落黎，題材上我係甚至會鍾意異形多d。當然，睇呢套蜘蛛俠我是睇得很開心的，嘿。