莫桑比克

講返呢張旺角場的天空，卻說當日同阿洲係呢個旺角場的天空下，唔知講開乜講到天氣定乜鬼，講起個天，阿洲話：「d雲好核突。」我即刻：「幹！唔係呀？咁靚都話核突？頂你等我即刻影張相先，核突丫拿！」

係，我呢種人的確係好難溝通的，是很不佳的。

唔，我唔識影相的，真係完全唔識(刁！如果我知道識影相可以溝model，我細個就唔浪費d時間去打波聽歌，走去學影相了)，亦只係求其拎部傻瓜機黎影。不過，我對於自己對美感及構圖敏感度是有絕對自信的。雖然，我家姐是呢個專業graphic designer，我阿妹而家又好似讀緊d乜鬼creative media乜乜物物，而我只係一個賤過地底泥既電腦程式員，但我有絕對自信呀下，我本身呢d美術呢類野既底子絕對唔會底過佢地好多呀下。

唔，呢張我幾鍾意。咩話？影得唔好？其實的確唔係太好，但我地呢d講意境架嘛真係！(真係乜都你講哂，又話自己掂，到俾人發現唔掂時又話講意境！真係亂up當秘笈的)



真係，向錯左方向發展，專畫專影埋d九唔答八野咁解，而家想走返正途已經不易了。



雖然我唔係好鍾意畫公仔果種人，但我對手一直都是很靈巧的(只限畫公仔呀下，手工野唔好預我)，講到用mouse畫野，我都唔知係MSN畫板擊敗過幾多高手低手。

卻說有個人叫肥偉，才一add我msn，就敗在我手上。唔係我大口氣！即使好似我家姐呢d自稱專業graphic designer，係唔俾用繪圖筆既情況下，佢絕無勝算！單係論(膠)創意佢已經贏我唔到！

而且我有必勝把握，就係畫佢隻公仔了，佢一定會笑到肚痛而投降的。





傳說係msn畫公仔是溝港女絕技來的，睇黎我都要用多d先得。

20061127 呃post

睇返人地講，原來大埔果場掘祖利亞既係雙氧偉而唔係基夫！因為我果個位俾大埔後備席遮左，淨係見到基夫黃牌。

「讀錯法文唔奇，但好多人俾紐約華裔設計師Anna Sui考起 ，佢中文名係蕭志美，但個姓唔係廣東 話譯音，係讀swee。有網友話因為佢係潮州人，但我查過佢父親係廣東人，母親係上海人喎。」

見人地講起名牌既讀音剪報。

對於呢個Sui字我又有d up風發下呀下。我唔知Sui讀Swee同佢父母係乜野人譯乜野音有冇關係……但有一個字"Suite"，而家都應該都算係英文掛，係讀"sweet"/"swit"的。

呢個字用係音樂上係解組曲呀下，讀左咁多年書，記得既咪就係得呢d囉！唔通真係記得點寫個Binary Search咩……唉。

而Nokia果套PC同mobile既接駁軟件都係叫PC Suite。咁Suite點解？自己查下字典都唔識嗎？

M$N

網友在MSN問我：「xxx沒有聯絡你嗎？」

我記不起自己怎樣回答了。說句老實話，因為我不知怎樣回答。到底我應該回答「我沒有XXX的msn」，還是「XXX沒有我的MSN」？兩個答案雖然都包含了對方，但聽起來又好像都丟了對方，總而言之我猶豫了好一陣子，才不自然地打出了以上兩句的其中一句。

------

很多年前我以為全世界以後都只會用icq的。

最後icq還是被msn迎頭趕上，而且是那麼的合情合理。先走一步有的是優勢，但優勢卻是可以被扭轉的。

我家姐說：「我看你與那個人都不太熟絡，他連你的msn也沒有。」或許是吧！但事實上是，中學那一班狐朋狗黨中只有肥偉有我的msn，不記得在那種情況下add的，好像add了還不夠三個月。

不知怎的，現在大家都只會交換msn了，如果I Seek You是一個很不錯的名字，the Microsoft Network這個全名實在有夠讓人倒胃口。Windows Live Messenager？還不是一樣！

老朋友都只有ICQ，新認識的都在MSN。或許這就是我也越來越多用MSN的原因吧……

-----

不過MSN再差，也總有一些功能是我很喜歡的。畫板？倒也不是，雖然我是小畫家之鬼，喜歡的是那個「顯示收聽歌曲資訊」的功能。我只知道它能夠連上Windows Media Player，但後來聽說好像iTunes也是可以的。

我不知道，我從第一天已經沒有關心過WM player的問題，我才裝了新版附有這項功能的MSN版本後已經立即去下連了Winamp的 Plugin。你現在從我MSN看到我在聽Annie Lennox的Why，就是用Winamp播的。

------

你有留意到我連結聽了Why這首約五分鐘的歌近十次了嗎？

------

唉，反正沒有人會有興趣的。

------

昨晚的，很有趣，看到自己的MSN內有兩個人不約而同的聽著同一首歌。

傑志 1 - 2 和富大埔

算唔話得啦，冇免費飛，但我連巴塞都係睇三十分鐘就訓，早d起身出黎睇大埔。最後就miss左細哨的牛尾巴及倒掛了。

入場前被學生截停訪問，早知就早d起身化個粧先出黎。仲有，roomate阿基都有入黎睇波添！

入到去，開左波都四分鐘，好快已經見到陳旭智正選鳥！

事實傑志踢起上黎實在太過漫不經意，可能見到兩邊係咁兒吊d高波埋黎，都會好有威脅，加上之前數佢老尾6-1，圍住打半場都冇乜決心整一粒先，賓曹仲踢都好後唔見左咁。

最後臨完上半場俾安基斯偷襲得手呀下！呢個波因為我坐係大埔果邊半場，第一感覺係安基斯同施雲奴終於有d二人合作做到入球。點知返到屋企再睇新聞片，呢球波施雲奴俾得好Q靚！傑志下半場仲收起踢到唔見左人既賓曹以及踢得算係咁既細雞，出返直線盤球撞死馬既阿古沙。

以為陳旭智又要被撞死了……

點知傑志上半場淨係插大埔左路，後尾大埔左路出返退居後備既正選左閘陳思榮，左路守得好好多下，下半場就堆哂係右路去。再後臨完場終於都係被陳肇麒殺食的高波頂入，追和返母會呀下。

大佬，都補時階段了，咁樣輸返轉頭。

今場祖利亞係中場d位置真係好q勁，下下拎到個位一野就閘左個波走，拎住個波又穩，其中一球佢上腳冇人幫，被基夫及譚兆偉雙人夾擊，由中路夾到去邊線都拍佢唔甩，最後基夫一腳趙埋去食埋黃牌，從此基夫呢十分鐘內掂親波都被大埔球迷噓。唔，最慘既係，有份埋人拍祖利亞既雙氧偉都係掂親波都俾人噓！

遙想當年豪豬都仲係小朋友，雙氧偉都叫做同山度士齊名做香港兩大指揮官，都相當多Fans，點知今日都要掂親波都俾人噓呀下。講開又講，當年偉仔好似小登科後就開始冇表現了……

祖爾呢個真係偶像！對愉園發波瘟，對流浪燥火到冇人迫都發老脾bang到個波九樓高，但呢場就利害了，所有高波都俾佢頂走哂咁濟，爭頂頂贏唔0岩位飛身頂走乜都有！傑志全場都只係兩邊吊高波埋去，祖爾真係頂完一球又一球。

不過最後被追和都係高波……

最後一下，後備出黎爆左兩下珠既十號仔呂志興再係禁區頂搏得自由球。我正同阿洲講，睇咁耐大埔既直射自由球都冇乜野睇，除左祖爾d二十幾三十碼衝抽中龍但唔會入既波。但呢個波，真係0岩0岩十八碼唔夠，冇可能唔射，但射你又搵邊個去射呢？

祖爾熨遠柱攪掂！嘩！真係爽！上半季輸1-6啖氣出返！對南華臨完場輸俾楊正光個下都吐埋啦真係！



隊長第一次正選帶隊贏強隊！

係，點解上場對流浪冇講呢？輸波，又冇隊長份，冇乜好講！而且，大埔官網都詐唔知唔提啦……

南華果場黎講，迪天奴仍然是屈，泰利史高斯變返英國人，白鶴都唔似高洛治，李海強唔好玩啦，唔係要炒祖雲奴域呀嘛？

相集：



係，除左陳旭智，仲有亨利仔「太燶」鄭兆偉。同一間中學，同我同屆唔同班的，但以前都有lunch/放學一齊踢波，我都仲記得果陣一齊踢波既F班人黎講我同佢比較好傾的……我仲記得佢講過落雨佢個鼻係可以聞到的！仲有講過一期奪標話傑斯會被改造成中場自由攻擊球員之類……但其他野印象已經好模糊，人都係善忘的，正如太燶都肯定唔記得我了，依到所謂既當年已經係中二、三，足足十年。





純影集：《旺角場的天空》兩幅

我的阿妹妹快來跟我跳阿哥哥 GO！

早前有網友問我係咪有心事，話我成個少女咁喎！

喂，心事就緊係有，日日都有架喇，就算唔計懷春as always，咁大個人點都有d野放係心架下話？

少女？乜有少女講野咁粗鄙架咩？

真係，心事，呢個term真係只會由女仔口中聽到。

女：「你係咪有心事？」

男：「你呢排攪乜X野？」

唔，今日去左上環呢一躺，又令到我感到非常沮喪。沮喪既係，唉，做乜姐而家，我根本唔適合做呢行，又唔見得鍾意做，唉，「只想快樂一點」，可以嗎？真係「我們頂多是牙簽，黑人是牙膏糟糕糟糕！」有乜可能唔沮喪先？係呀！話你冇X用呀！

點解我係下流人？我直到今時今日，年已半半百，心願？理想？「只想快樂一點」，就只係得咁多。唔，單係發現自己「只想快樂一點」已經可以令自己唔快樂，可見「只想快樂一點」其實都唔見得容易。

最後？搭車一直苦悶到極點，耳邊的就只有熱狗。

我真係覺得有少少離譜，呢隻碟我真係不停聽左都就黎一個月。仍然是我愛台妹，仍然是馬祖小夜曲。我覺得將綠島換成馬祖，而我又將馬祖換成科大，搞到科大同綠島好似有d對等。喂？科大總算是個無掩雞籠，又點會係綠島？不過，查綠島小夜曲同火燒島果個綠島是無關的，咁換係乜都冇乜所謂了。

突然林起當年係cie，同阿鈞len哥佢地有一輪既問題係：「小甜甜俾兩千萬，要你陪佢一晚，你制唔制？」唉，唔好咁啦。

「如果我俾兩舊水你，要你以後唔好聽馬祖小夜曲可以嗎？」

你是online的嗎？

「如果我俾兩叉野你，要你以後唔好聽馬祖小夜曲可以嗎？」

你都係算吧啦！

「如果我俾兩餅野你，要你以後唔好聽馬祖小夜曲可以嗎？」

其實，我真係唔等錢駛。

「如果我俾二十萬你，要你以後唔好聽馬祖小夜曲可以嗎？」

……小弟不才，人工不高，但二十萬，對在下來絕對唔見得係遙不可及。(咁我緊係講緊駛廿萬銀而唔係儲廿萬啦！)

「如果我俾兩百萬你，要你以後唔好聽馬祖小夜曲可以嗎？」

……你咁又何必呢……

「如果我俾兩千萬你，要你以後唔好聽馬祖小夜曲可以嗎？」

……唔好咁啦……

「如果我俾兩億你，要你以後唔好聽馬祖小夜曲可以嗎？」

……我的前途拿來賭賭賭，青春，噢噢噢……

以後唔聽，咪自己唱囉……唉，我突然覺得自己滿身銅臭呀下。

我．突．然．好．想．去．唱．K

我怕等得beeyung exchange完返黎，我已經變返唔想唱，唉。

會唔會有我愛台妹唱架？要我要國語rap……我真係覺得好搞笑，我應該都可以好流利，不過d發音就亂Q咁黎。

「原因好簡單，因為你不是台妹」。

老掉牙的沐浴心情故事

不知是人老了，還是心態太老了(兩日前玩精神年齡鑑定又老了，已經達到五十歲)，我不得不承認最近買的都是源自遠古時代的化石唱片。

很多男孩子對歷史都會很有興趣，我想我算還好吧，歷史科的成績雖然不怎麼樣，但自從不用上歷史課後對歷史便開始生起些微的興趣。看完三國演義後便開始研究三國正史是很多人走過的道路，而自己然後又有開始看看有關日本戰國及幕末的歷史。當然，應該是以搖滾史看得最多。

與其他歷史不同，搖滾樂其實很年輕，所有的還不過是短短五十年的歷史。而最特別的是，它是一段可以「聽」的歷史，如果你沒有聽過，即使知道再多也不可能自稱自己頗有研究，因此到今天我仍然不會以甚麼專家自居。

不過，雖然只有五十年，但這五十年之百花齊放及奇異創新，卻使這五十年的歷史讀起來實在不容易，因為你要知要聽的似乎太多了。與其煞有介事去當個搖滾史家，我還只是安心的去當一個平凡的樂迷，所以我仍然未與Rolling Stones拉上任何關係 — 雖然史家談搖滾總也不得談談這幾顆性感的頑(老化)石。

有人說「曹操都有知心友、關公都有對頭人」。你要找一個喜歡披頭四的人非常容易，但你要找一個不喜歡披頭四的人絕對不難……不要誤會我說披頭都有對頭人。我要說的是，我的看法不是這樣。人們認為曹操狡黠，自然沒有甚麼朋友，而關羽神武顯聖義薄雲天，死後信眾無數，就更不論生前的肝膽好友。曹操有一個謀士，叫做郭嘉。此人料事如神，早料孫策死於小人之手。而且奇謀很多，原因可能是此人天生思想古靈精怪，不為世俗所規，亦因此與天生個性反叛的曹操臭味相投，一拍即合。而且曹操有個近衛叫典韋，也是因為護主而死，如果你認為那只是因為高薪厚祿亦無不可，但依我看來為君而死，比較像同性戀。

卻說那個剛愎自用的關羽，個性傲慢，對士卒雖好，卻把士大夫看得一文不值。以他在劉備集團的權勢，一眾文士看他的臉色也絕不好受了。不要說地位底微的，就是那個丞相諸葛孔明他亦不放在眼內。關羽不依隆中對，不等蜀中準備妥當就在荊州大動干戈，欲恃著一己勇力先入許昌。一支孤軍對抗中原就算，他也總算吃了點甜頭，另一方面卻同時挑起東吳的不滿，又看輕了書生拜大將的陸遜。最終兵敗身死，可能是孔明看不出關羽不能以一敵二喇！可能孔明也不知以關羽的脾氣必不能和東吳喇！其實可能孔明不喜歡關羽吧。總之，看其人行事，你以為受氣的就只有糜芳與傳士仁？

不覺得很有趣嗎？歷史就是有這種好處，歷史學家再多，空白的地方始終多得很，任人想像填補，以上我說的都不是我一個人的想法，而是不同的人提出不同的推斷而歸納出來的一種想法。

談回搖滾樂。我想我總是過於祟拜那些能夠征服時間洪流的碟片。不是嗎？人都是善忘的，隨著時間過去人會把所有事情都忘掉。不過，竟然有著一些在現實社會沒有絲毫建設性的搖滾樂突破那一逆連人都阻止不了的洪流，屹立不倒。是我為人念舊，還是因為我不喜歡別人的無情？

不過，最近我就是沉迷在一張今年二月發出的唱片 — 熱狗的Wake Up。談到喜歡，有時候是很合理的，正如吾友大粒燊曾經說我喜歡Judy and Mary是很合理的。對，如果你沒有因為David Bowie過於多變的音樂風格而不知道他曾經也是硬式搖滾變奏的Glam Rock先鋒，你就不會懷疑我怎麼會喜歡那個衣著閃閃生輝唱著電子流行音樂的老化石了 — 化是化了，卻不怎麼老，他現在看起來好像仍然是挺年輕的。

但我喜歡熱狗這張Wake Up在某些人眼中卻可以說是完全的不合理。在這之前我唱片架上的Hip Hop唱片是零……台灣唱片還好，不是隱蔽青年，起碼我有一張陳綺貞。

不合理嗎？如果你有看這一個月來我的Blog文，還許你也會覺得，其實也還夠合理吧？畢竟我也不是一個思想偏執的人啊……起碼我自己認為不是。

看到網友的剪報，櫻井說自己很多靈感也是來自沖涼和如廁時。這應該是很合理的吧，寫blog我寫了三年半，不知有多少篇是來自沖涼時的胡思亂想。至於如廁……起碼這一篇與如廁無關，雖然剛才我沖涼前也真的大了個便。

我不愛台妹

這首實在是一首很可愛很可愛的歌。

我從來不是甚麼嘻哈、饒舌、說唱樂迷。我甚至可以告訴你我對這一首東西有一點厭惡，首先就是當他登陸港的時候，就已經失真了。

Hip Hop是一種源自舞會的文化，它是一種次文化，而不是一種音樂，但我們當然有源自這種文化的音樂，就是那些饒舌的、打碟跳霹靂舞等。

而一種次文化，有一點地方與搖滾樂是一脈相承的，雖然它們的外觀看起來不太像—那就是一種從玩樂而來的真實。美國的饒舌音樂，表達的東西就是赤裸裸的真實，然而當人們越往下揭，饒舌音樂漸漸充斥的都是「幹掉」、「強暴」、「服毒」等等一些只有戾氣卻沒有趣味的東西。有人說，那就是美裔非人的真實生活，生活的壓迫、遭遇的歧視等等都使他們大都充滿怨恨。

嘻哈及饒舌要做的，就是要表達他們面對的真實。

這亦是為何連白人都不認為有著所謂的「白人嘻哈」。有白人去唱黑人嘻哈，卻沒有所謂的白人嘻哈。從前白人成功地從黑人那裡偷去節奏藍調然後改成搖滾樂，成為白人的音樂，今天卻再不能依樣畫葫蘆了。

當然，不是黑人仍然可以挪用那一套Keep it Real的態度去唱黑人的饒舌音樂，問題只是你是否做的用咪高峰來說實話。

以上說的全是題外話。


我愛台妹 feat. 張震嶽

曲：姚中仁 張震嶽
詞：姚中仁 張震嶽
-----
熱狗在創作人欄裡都用回真名姚中仁，有誰知道原因了？


我的阿妹妹 快來跟我跳阿哥哥 go
我知道你看到是我 你不會說no
我不是油頭葉教授 我的homiez 都叫我熱狗4 sure
女孩 就喜歡你台台 等等去家裡home pa要不要來
只怕你掛的太快 明天要去廟裡收驚拜拜
how high?! we can kiss the sky!
人生海海 我們不會只是stand one night
(one night in 墾丁..我留下許多情..)
你是我的可口可樂 幫我解渴 看我穿著就知道我玩饒舌
你不用說我壞話 因為我有順風耳
如果是你肚子大我帶你去看順風婦產科
-----
「我知道你看到是我你不會說no，我不是油頭葉教授」，完全是借機抽水！但那一句「你看到是我你不會說no」真的很可愛啊！不是嗎？你雖然不是葉教授，但你又以為自己是誰啊？「one night in 墾丁..我留下許多情」改自陳昇的老歌「北京一夜」，這一個借用實在太精彩了，熱狗改得好又唱得好，連吊腔也有，算是做足全套了。


我愛台妹 台妹愛我 對我來說 林志零算什麼
我愛台妹 台妹愛我 對我來說 侯佩涔算什麼
-----
張震獄唱的副歌，唱得很好，後談。


我不愛中國小姐 我愛台妹 萬萬歲
你的檳榔兩粒要100好貴 有沒有含睡
如果能夠和你共枕眠 更多更多的奶粉錢
我願意為你貢獻 我不是愛現 請你噴上一點點銷魂的香水
換上妳最性感的高跟鞋 人群之中 你最亮眼
-----
兩粒檳榔真是太有意思，不過我說熱狗啊！100元台幣還要含睡，要求好像有一點過份，沒有那麼便宜的喇！「如果能夠和你共枕眠」寫得太好了，這一句共枕眠聽上去真的有夠含蓄，連要含睡都說出來了，這時倒來個文縐縐的！但我喜歡那種直接，其實還不是嗎？一起生活還不如一起睡覺，愛情來得最重要的還是可以共枕眠。


台妹來了 我是否和你一拍即合 跟我去很多的不良場合
大家看到我都對我喊yes sir
因為我是公認最屌的rapper 台妹們 麻煩和我拍拖
我不是凱子 可是付錢我也不會囉唆 純情是什麼 我不懂
我的想法很邪惡 張震嶽他懂
-----
這段沒有甚麼感想，除了聽得出女孩都喜歡男孩負責付錢以外……不懂純情想法邪惡倒是有點共鳴。


我愛台妹 台妹愛我 對我來說 林志零算什麼
我愛台妹 台妹愛我 對我來說 侯佩涔算什麼
-----
喜歡張震嶽唱這一段，一直都用很平淡的方式去唱，既然不是甚麼，就不用那麼激烈了，對嗎？


為了你 我可能要投資一家檳榔攤
為了你 家裡可能要有鋼管
為了你 我要常常下去台南
為了你 流氓會來找我麻煩
對於帶著一點台灣味的女生
我的腎上腺素毫不考慮亮起紅燈
畢竟妳也不是天使 我也不是聖人
時尚的野獸 那就請你滾 我受夠
你是馬戲團訓練有素的animal
所有男模 女模 你在屌什麼
我就不信你現在還有處女膜 都是凱子磋
-----
不知道大家知不知甚麼是台妹。聽說在台灣也沒有一個很好的定義，但一個台妹走出來你就知她是台妹，林志玲與侯佩岑走出來就肯定不是台妹。台妹指的不是台灣女孩，正如港女也不是指香港女孩。港女指的，是擁有一些香港女孩中常見的惡劣特徵的女孩。而台妹，我也不太懂，但當你聽了這一段，再加上我告訴你，熱狗唱Live時是會把「帶著一點台灣味的女生」唱成「帶著一點風塵味的女生」，那麼台妹的形象應該比較鮮明一點。喜歡熱狗把那些男模女模唱成時尚的野獸，尤其是那些不是拍兩三張照片登廣告卻又以為自己是明星，鼻孔都朝天了，幹。總有些人只懂以外表來自以為是，也真的讓人受夠了，拜託。「都是凱子X」當然不是公開版的「說」，稍微懂一點國語的人都聽得出來，我看唱片內頁是「搓」的，但我覺得「戳」也好像更像樣。


喜歡台妹的口音 有時候夾帶幾句靠杯三字經
愛神的箭 你要射向哪裡 這裡 free9 張震嶽
熱狗 這裡 等你
我愛台妹 台妹愛我 對我來說 林志零算什麼
我愛台妹 台妹愛我 對我來說 侯佩涔算什麼
-----
「喜歡台妹的口音」，熱狗裝的口音也真的也可愛啊！

yo yo yo come on yo
把手放在空中甩　我叫你什麼都不用管
讓我看你把手放在空中甩　把手放在空中甩
台妹　手放在空中甩　叫你什麼都不用管
台客　手放在空中甩　把手放在空中甩

把衣服都掀起來　把奶罩都丟上來
把衣服都掀起來　把奶罩都丟上來
把衣服都掀起來　把奶罩都丟上來
把衣服都掀起來　把奶罩都丟上來
-----
最後的，當然是一起狂歡了。除了我更喜歡把一句奶罩改成內褲，亦沒有甚麼好說的。題外話，不要以為沒有可能，在五六十年代那一個仍然守舊的社會，已經出現了女樂迷們因為興奮過度而脫下內褲扔向台上搖滾樂手小理察的情況。(更聽說貓王的表演場內時有女樂迷興奮得過了頭，當場「上青天」而「失神」昏倒，有夠誇張的) (註一)

我喜歡台妹嗎？不！絕不！但我除了喜歡這一首歌，更欣賞那一份情懷。林志玲算甚麼？侯佩岑又算甚麼？我跟本不認識她們，不了解她們，而我絕對不會相信螢光幕前看到的東西。當然，可以吃的話，絕對不會浪費，但我們要談的不是這個問題(挑！)。

總之，我很喜歡這首歌就是了。


註一：搖滾樂令人放蕩嗎？不見得是壞事。女樂迷聽音樂興奮得至失神的情況，在電影裡頭是有看過的，那是一套叫作「法里內利」的電影。電影應該是一套半傳記，記述歷史上最著名的痷伶法里內利的故事。那一幕是，當法里內利唱到全曲最瘋狂的一粒高音時，本來已經因其天籟歌聲而興奮起來的一眾淑女，便開始昏厥了。大家知道甚麼是閹伶嗎？在十六至十八世紀，女人是不能於教堂內演唱的，但教堂內又需要一些歌唱技巧高超的演唱者去唱女高音(指音域)，有人便用錢買下男孩，將其去勢，對外說男孩受野豬襲擊受創，然後作歌唱訓練，成為閹伶。或許，這個在音樂課談音域時必談的真實故事，比起搖滾樂令人放蕩更壞吧？對，這些壞事是誰幹的呢？)

買書快過睇書

是不好的。

但我仲有好幾本未睇完既書既情況下，又多手買左兩本。

祕劍黎講我唔擔心，小說黎，會睇得哂的。

但呢本下流社會，我買完睇睇下又有d擔心，唔係怕睇唔哂，而係好似入面好多圖表數據的……

但我的確忍唔到手買左，因為我懷疑我係下流人。

--

你是「下流社會」的一份子嗎？

　　首先，先來測試你的下流程度。接下來的12個問題當中，如果有一半回答為「是」的話，那你就是屬於「下流」階層。

1. 時常整天待在家上網、打電動玩具 <-- 是
2. 只想輕鬆的過每一天 <-- 是
3. 能每天過著像自己的生活是最好的 <-- 是
4. 隨心所欲，只做自己喜歡做的事 <-- 是
5. 凡事嫌麻煩，個性散漫，喜歡悶在家裡 <-- 是
6. 喜歡一個人獨處 <-- 一半半
7. 覺得自己個性樸實、不起眼 <-- 絕對是
8. 認為流行就是展現自我風格 <-- 否
9. 有時覺得，吃東西是一件麻煩的事 <-- 是
10. 常常吃零食和速食 <-- 速食多
11. 年收入尚未達到實際年齡的10倍（以1萬日圓為計算單位）<--等我計下先……是！
12. 未婚（男性33歲以上、女性30歲以上） <-- 我未夠老

沒有出路 No Way Out

大家曾幾何時是否也有著這一種心情？你知道船到橋頭自然直，你知道不會一輩子都是這樣，你知道雨後總會是天晴，但你就是感到沒有出路。

我們都是理性的人。就好像，我們上班感到不愉快，對工作厭倦了，看夠了上司的嘴臉了，知道是時候要辭工了，明早把信一遞，一切就會得到平復。

但今天下班，仍然感到沒有出路，逃不離這一個使人痛恨的地方。

也就好像，你知道你不會一輩子愛著這個看不見觸不到的人。你很清楚明白，只要明天邂逅到有一個個性可愛的女孩，一切就再不如以往。不過，今天夜獨個兒走在狹長的街道上，街燈照下來卻連淚都快要流下來。對，忘不了，沒有出路。

雖然我們都很理性，對現實思考得有夠透徹，盡在掌握中。但感受與情緒，是永遠控制不來，不受思維約束的，沒有人會說最聰明的人不會感受到難過。

那麼，當你心知將來一切都會安好卻又感到沒有出路的時候，你又會怎麼辦呢？

等待吧。

播一首最喜愛的歌，等待到自己懂得面對荒謬，等待到看到那個為自己守候的人。

昨天心情「不太好」，或者應該說是「比較差」，隨你怎麼量吧，反正也沒有人真的介意。我只知，無論昨天心情再差，明天又撞著長週要上班，星期五怎樣都是一個好日子，即使碰著是十三號，星期五就是星期五，心情總得要好一點，不是嗎？

把手放在空中甩，我叫你甚麼都不用管

「喂！死仆街！我係叫你呀！」

唔，係，我排的確係狂聽MC HotDog，有人問做乜成日聽。

其實係咁，真係每次聽我愛台妹都好開心，真係每次聽馬祖小夜曲都好感動，真係每次聽我們的Party最扯都好興奮。

有時係街聽我愛台妹係甚至忍唔住要笑的。「如果能夠和妳共枕眠，更多更多的奶粉錢，我願意為妳貢獻」，大家唔覺得聽呢d直腸直肚既露骨說話，比起聽果d假惺惺得把口既我愛你開心好多的嗎？

每次放工出左粉嶺火車站，爭少少九點既冇乜星斗既夜空下，果兩個字既散步道數程，一定係聽馬祖小夜曲。「老掉牙的心情故事在我生命上演一次又一次」、「我應該怎麼勇敢去面對週遭的荒謬，有誰在為我守候，當我望著滿天星斗，像個萬花筒」，嗚嗚……

講開又講，就係聽住馬祖小夜曲，去到十字路口其實我都留言到有部好核突(！)既車明明停左，都駛前小小突個龜頭出黎(對唔住，我整慣左口勢)。我過左去後，突然隱約聽到人叫我。原來部車係短成的！點解好似唔同左樣！唔知係去搵佢細佬定去完打波(事實佢細佬都係車上面)了。之後，我又係樓下撞到我家姐呀下。

「看熱狗，魯小的話別太多，這裡沒賣5566，你還要沉默多久，你醒了沒有。」係，我們的party最扯，我很喜歡那些女聲，聽了令人很興奮！

YEAH！聽日禮拜三！就黎週末放假！

YEAH！聽日十五號！就黎月尾出糧！

唉，你睇，到底係咪叫樂觀，定係悲觀到極至而痴左孖筋。我只知道，如果我去林仲有大半個禮拜要捱，仲有成半個月先會有糧出，我係會覺得人生真係好辛苦的。為免自己終有一日突然忍唔住仆街死，大家都要一齊學會樂觀啊！

想從前，一片漆黑，怎麼什麼也看不見

唔，始終希望留住記憶。

尋晚一早唔覺意訓著左，起身已經五點半，沖左個涼而家睇緊利亞既重播。

尋返CSIE個ContactList，唔，記唔記得，呢個contact list，好似係某夜，應該係凌晨四、五點左右係lab做野，我記得係lab 1，除左週文阿洲等人，仲有淫泰曉域等，應該係做緊343(有淫泰同lab1喎，係343架喇)，即係year 2 spring啦。

我估都係5點喇，因為果陣係去左買野食返黎的。我同阿洲淫泰就林住攪個contact list出黎。當時我地係林住做個互爆contact等d人快快手手填滿佢。

做法係，唔知邊個除左填自己個contact，再填埋我地在場其中一個contact，然後被填果個就扮唔順被俾爆資料，爆多幾條友。咁果幾條友就可能真唔順或者假唔順咁爆其他人既資料，一直係咁填到尾。

不過計畫好似係全盤失敗左的，冇人理我地……

唔，我又記得呀下，陳旭智係唯一一個屈過我蛇的cs人！我第一條蛇應該係姐夫，yr1開學前果晚咁上下……陳旭智果次應該係211果個sem，「喜歡」寫code既佢係211佢果組，因為大家都知佢「喜歡」寫code而安排佢入寫code組，真係正！

我記得果次係我返hall先的，唔記得佢係聲稱通頂定落hall3。好似唔係好夜果種，三、四點左右，我就沖埋涼收到佢電話問係咪有床位。果個sem我roomate係mech ivan，佢好少係到的。(如果唔係果個sem我就會成日嘈住佢訓了，下下三、四點先返hall)

其實有數得計，仲由hall 1行落去hall 3，一來一回都少半粒鐘啦(如果你得幾粒鐘訓，半個鐘唔少喇)，仲要訓蛇床的。

總是流傳著說，吃苦當作吃「補補補」
一群人浩浩蕩蕩，風塵樸樸

嗚……呢隻歌真是太正了。

和富大埔 4 - 3 愉園

今次係以免費飛入場，加埋月票，嚴格黎講你可以話我係一蚊都冇用過咁入場！

但阿洲識得還錢呀下！我成日都係搭車先醒起，咦，做乜我張八達通咁少錢？之前入左兩舊水一直都用唔到架？係喎！果日睇波麥記我俾錢！佢仲未俾返錢我的！

但，通常記得一下，之後都唔記得左的。



真係精彩，下半場入足七球！祖爾先入一粒之下，先立即俾卓卓飛將軍姿態追和，之前祖爾仲係後面玩波甩拖，卓卓猛虎射球梅開二度！然後走甩哂俾豪豬禁區頂任射。1-3之下我以為要俾人炒添。

問題係，佢三粒波都係入得唔多清楚，一係自己犯錯，一係個人質素，愉園本身係完全冇進攻板斧的！

但愉園又真係唔生銹，成條中後防全場(其實係成隊)表現都好屎，1-3連列卡度自己落埋場，一樣好容易俾人殺到入禁區，史提夫、盧比斯、馮繼志都唔貼身的。

最後4-3，真high到發射了，全場時氣氛實在太正了。即管話香港波唔掂、悶、低水平然後匿係屋企睇曼聯悶戰布力般啦下。不過又講真，之後果場天光隊對大檯客真係悶到呢……如果唔係多左好多阿叔出聲小人，真係冇乜好睇。最慘羅倫士一早紅左，晨曦真係可以擺明慢慢玩夠贏就算。

賽後好多球迷搵球員簽名呀下，隊長都有！不過隊長問：你地知唔知我係邊個？三位小朋友默然。

今日畢業禮黎講

Henry對我說：「好悶呀？平時要你唔講野都好難。」

淫泰對我媽說：「佢好鬼多野講。」

真係，我從來都係一個好沉靜既人黎。

其實姚中仁即係熱狗。

為左俾大家試聽，我花左好多手腳的。



馬祖小夜曲
by MC HotDog

作詞：姚中仁　作曲：姚中仁

這馬祖　像一隻船　在月夜裡搖阿搖

我站在碼頭等船　客官笑問君從何處來　再一次　怨嘆老天爺的安排
天南地北　屆時高梁一起喝一杯　你又何必在乎我是誰
這是一種屬於男子漢的緣分　相逢何必曾相識　都是天涯淪落人
開始問號和驚嘆號的旅程　打開我的日記本
終於號角響起　偷渡到馬祖　總是流傳著說　吃苦當作吃　補補補
一群人浩浩蕩蕩　風塵樸樸　算命仙　抽支籤　占卜卜卜
我的前途拿來 賭賭賭 青春ㄌㄨˊ　ㄌㄨˊ　ㄌㄨˊ 有時候 眼眶不自覺 嗚嗚嗚
只能認命　不能認輸　只能相信　老天爺的保庇　退一步　海闊天空　風平浪靜

這馬祖　像一隻船　在月夜裡搖阿搖　搖阿搖阿搖阿我搖到馬祖這外島
這馬祖　像一隻船　在月夜裡搖阿搖　搖阿搖阿搖阿我哼著兒時的小調

手裡握著媽媽為我許的平安符　電話那頭傳來你說晚上一個人好孤獨
我逞強在嘴裡　感動在心裡　原來有些東西　真的金錢也買不到
簡單的快樂在也犯不著吃藥　每天晚上入睡前我只能禱告　再禱告
我吃不飽　至少也餓不死　老掉牙的心情故事　再我生命上演一次又一次
浮雲蔽日　空氣冷的覺得我即將要凍死　孤注一擲　決定命運的骰子　來到馬祖
人在船上漂浮　一種說不出的孤獨　只要為你過一天　
日記上就劃一個圈圈叉叉　密密麻麻連成一線
如果賓果　獎品就是我　還有多久　噓　幫幫忙　現在還不要對我說

於是我試著想像台灣的輪廓　我應該怎麼勇敢去面對週遭的荒繆
有誰在為我守候　當我望著滿天星斗　像個萬花筒　想台北　好遙遠　
想從前　一片漆黑　怎麼什麼也看不見
可憐我的肺　漸漸染成黑色　尼古丁是我的呼吸 But Who Cares?
只想快樂　一點　阿兵哥　苦悶到了極點　點　一隻煙　燃燒了我的生命線
(Life Fida The Way)(You Fida The Way)生命繼續　川流不息
潮流一波未平　一波又再起　出師未捷身先死　常使英雄淚滿襟
當你聽到這首歌的時候　你紅了眼睛　脫下屬於自尊心的金縷衣　
我總是輕輕哼著這曲

科大小夜曲

再見了。



原來這三年，是過得那麼的快樂。功課？考試？管他去死。我只知道，大家在一起的時候很快樂。功課討厭嗎？討厭，但大家通宵一起趕功課是很快樂的，即使第二天要只剩半條人命的去上課(不過更多的是回房睡覺)。考試討厭嗎？討厭，但多謝大家拿了個九十分，看到我只亂填了半份卷也沒有給我白眼，大家都對我很好，真的很好。

我不介意生活迫人、不介意每天的工作累人、不介意上司吐著一句句使人氣餒的說話，如果還可以跟大家一起笑著工作，那些算是甚麼？

拍照的一刻，我感到有一點孤獨。

走到SeaFront之前，在LG1碰到的是淫泰。「還有可能早上五時大家也還未睡，然後一起談一堆無聊的廢話嗎？」我說淫泰啊，我說的話真的那麼沒有建設性嗎？

拍完照的一刻，我感到三年時間實在太短。

然後在球場下的彎路碰到Martin。「緣份還未盡啊！」

最近很喜歡MC HotDog的《馬祖小夜曲》，在碼頭處舉起相機，腦中奏著的就是這一首歌。

「這是一種屬於男子漢的緣份，相逢何必曾相識，都是天涯淪落人。」

Engine仔、CS人，我們都命苦，功課忙、測驗多，Grade卻又不如人家好，前途又不如人家光明，連女都只圍在人家的身邊。那又如何？這三年真的只是熬過的嗎？如果是真的話，我可不可以求求大家一起再熬多三年？因為我這三年我越熬越高興。

「只能認命，不能認輸，只能相信，老天爺的保庇：退一步、海闊天空、風平浪靜。」

可能真的是老了，經歷過的離離別別很多。由小學至中學的一班老死一直走在一起，預科兩年卻知道再熟落再知心的原來都會失去，副學士的大家都各有生活各奔前程，只希望這大學的三年朋友，再三年以後可以當個老朋友。沒有說出口，但這三年多謝大家照顧了。

「我逞強在嘴裡，感動在心裡，原來有些東西，真的金錢也買不到。」

怎麼三年大學的感覺會與去當兵四年的熱狗那麼相像的呢？但我想，如果「小林志玲」的聲音不是來自馬祖，而是在科大內聽到，幹！這三年就真的是爽斃了！

原來從這裡看過去，科大也很像一條船，在月夜裡搖呀搖。這三年搭上了同一條船，還請大家一起珍惜這三年的緣份吧。

倫敦在喊話

YEAH！買了！買了！買了件Tee，另一方面亦買了熱狗！

唔，Billy Elliot，比利艾利洛，套戲中文名好似係跳出我天地定舞出我天地之類。做唔到呢類聽落係勵志或溫情片入面，竟然有好多punk歌呀下，包括呢首London Calling。

突然唔想吹水，收皮。

做人後備甚艱難

臨開波返入更衣室，負責收返d龜背既陳旭智，行行下趺左一件唔知。我同阿洲都見，但點提佢呢？當時同佢迎面既姐姐提佢，佢知道之後回身去執，點知手頭上果d再跌出黎，要姐姐幫佢執了。

做後備係比較狼狽的了。(係，明抽水的)

其實我一度以為大埔真係可以偷到雞添，晨曦今季打落冇霸氣，進攻完全唔夠銳利，1-1果陣我真係以為可以偷到雞的。

可惜，雖然拉返施雲奴落中場的確幫到組織同上波，但晨曦質素實在係好(睇佢咁耐都係靠呢樣拎分而已)，第二球真係求求其，耀仔係邊線係咁兒放個高波入中間就咁頂左入去。

但大埔組織唔到上去之餘，晨曦係後面猜既能力又太高了，搶唔到個波冇乜好講。

開頭第一球見安基斯搵到國援中堅著數，以為仲有d計，點知就真係一次搏甩左，之後都再冇呢d機會。

我覺得趙俊傑同陳思榮進步上黎真係比較明顯，真係有甲組經驗既球員係唔同d嗎？加油吧陳旭智。佢話畢業禮果朝要練波，返唔到黎一齊食早餐。唔，既然係咁，不如畢業禮都唔好黎去練多陣波啦！(嘿)

笑忘書

話說係人地個blog見到話：「鍾意買左笑忘書喇！」

等我以為係買左本書添，原來係唔知邊一個歌手(後補：原來係張敬軒)出左隻碟叫笑忘書先真呀下。

真係，但笑忘書呢個真係一個好譯名來的。查原來王菲都有首歌叫笑忘書。

我覺得笑忘書甚至可以話好睇過生命中不能承受的輕的。原因黎講，係笑忘書比較易消化吧，係短篇組合。

生命中不能承受的輕，故仔可能你睇一次就大概記得，但要消化到就唔係一次可以吧？

係，我只係睇左一次而已。

唔，笑忘書同生命中不能承受的輕都係米蘭昆德拉既小說呀下！(教人添，真係，好似自己睇過好多咁，其實咪又淨係睇過呢兩本，挑！)

生命不應該如此揮霍

真係勁，我隊多蒙特第二季係歐聯八強擊則車路士！

有點符碌，首回合主場都要穩守突擊，而且因為下半季不停失分，前面班前鋒如費爾、史莫拉域又唔識入波，一怒之前決定歐聯棄糊，出左一個第一季生出黎既17歲Promising Striker艾雲荷夫曼。

點知，原來我既穩守突擊戰術都幾湊效，可惜速度同突破力16但把握力只有10既荷夫曼兩次半單刀都把握唔到，只係由我自己簽返黎既巴西中場連拿度(唔係踢過西維爾果個呀下)兩個遠射！整左個2-0主勝！

但聯賽繼續食屎，俾拜仁追到得四分距離！

但唔緊要，作客車路士，自己睇圖啦下。





射門玩下手可能係20 vs 1(！)。摩連奴賽後發哂老脾話球波越位，事實又真係越喎！但我串佢，串到越位球員華迪斯都話我串得濟！嘿嘿。

我既生命就係咁揮霍係fm手上。

第二朝又要返工，唉。唔，陳家珍主播又剪左少少頭髮呀下，自從日日搭火車之後，我就好留意班主播既造型了。尤甚陳主播，最近好似輪到佢做畸寶早晨。

喂！係咁架啦，你問下你自己，每日急步由屋企衝去火車站係為左d乜？每朝千不願萬不願咁起身係為左d乜？

為左幫老闆掘到第一筒金？為左公司既前途發奮打拼？老闆員工一條心共創未來？

學黑馬王子入面袁彩雲話齋。

「你叫佢仆街啦！」

我每日急步由屋企衝去火車站係為左d乜？每朝千不願萬不願咁起身係為左d乜？就係為左見一見火車上播出既有線女主播一面之嘛！

如果唔係咁，我真係說服唔到自己做乜日日都要咁營營役役，趕頭趕命去搭火車！(其實係屋企都睇到啦，你係屋企既四仔都有得你睇添，問題只係，我實在唔願意承認我已經被現實迫至要咁辛苦咁扮準時咁返工了，如果唔係我真係會覺得自己好慘的)

所以話，火車播走年輕女主播路線既有線係正確的！真係，我終於都明白女主播擁有娟好既相貌係重要的！簡直係心靈治療！

唉。