買Bass黎講 - 初學者

前言

買Bass係差不多每一個初學者都會遇到既一大難題。記得本人初初買第一支Bass時，身邊跟本冇半個可以托付既人，就只能夠問短成呢位是但求其馬虎既人。最後誤打誤撞，就左一支自己都幾鍾意既Washburn，都算係咁啦。雖然我唔係啲乜野大師父，但前後都買過五支Bass，亦有買錯過，加上我去通利玩人地啲Bass既興趣，除左香港之外亦走遍左東京、台北、台中既結他店(其實同識買Bass一啲關係都冇)，總有少少心得去分享。而且我唔用一個技術角度去講，而係用大部份人購物既角度去幫一幫大家。Check parts check頸果啲點做大家大可以上網去搵，我會將個重點放係選擇。

選擇

買Bass當然係要黎彈，呢點我知。但問題係，你要黎點彈呢？呢一點其實好重要。如果大家有上網去睇一啲Bass既review，評分角度不起乎Feature、Playability、Sound、Reliability同埋Value。

但先不論以上既評分，作為消費者你一定會搞清楚以下既野……

- BUDGET！！無論幾好既Bass，Out of budget既就算數啦……係咪？
- 用途。呢一點好多人買Bass都會忽略，但其實你想用呢支Bass黎玩乜野對你揀Bass係好重要既。首先，會遇到選擇Bass既問題會有以下各種人士：

1. 乜都唔知既初學者
2. 聽完RHCP、Muse之類，想模仿佢地偶像而學Bass既朋友
3. 本身已經有一支初階Bass，已經突破左自己唔會半途而廢既心理關口，想買一支好啲既朋友
4. 技術已經精進到一定程度，覺得自己支Bass做唔到某啲自己要做既野既朋友
5. 大師級買玩具

5.我唔會講，亦唔到我講。

1.既朋友就係我最想幫一幫既朋友。因為多數人初初都係一無所知，就好似我當年咁，所以先講一啲要知道既事情先。

- Active vs Passive - (不用太理會)
主要分別就係passive circuit既bass唔需要入電池，active既多數要入一舊9V電去推個preamp。冇話邊一種好啲，active既通常有有多啲控制音質既knob，passive會少啲。但亦好多人會覺得，因為多左個preamp，唔多唔少已經改變左來自支bass既音質，passive既bass，來自body同頸既木聲會更突出。初學者唔需要太介懷呢方面。

- 四弦 vs 五弦 - (初學者請買四弦)
五弦既通常多左一條low B(嘿)，六弦既通常會再多一條High C。初學者手掌同手指都未鬆，五弦太難控制，為左你自己既持續興趣，四弦會保險啲。

- Fretted vs Fretless - (如無特別要求，初學者請買Fretted)
Fretted即係有格，Fretless即係無格。初學者無謂多事，買Fretted吧。

- P Bass vs J Bass - (請無視)
P Bass係所謂Fender所製既電Bass，因為以前既upright bass都係冇格，P for Precision，就係因為佢有格。J Bass就係P Bass之後既另一款，body細啲音色圓滑啲。因為係最早期既bass，好多人都鍾意用P style或者J style去分之後唔同廠牌既Bass。但呢啲野對初學者係完全唔重要的(至少我係咁認為)。

如果你係一個一無所知無乜特別要求既初學者，我自己建議將重點放係「舒適」。因為大家都係初學，無乜特別技巧你需要支bass幫到你，亦未有任何特別需要某一種音色，feature同sound對你都冇太大重要性，重點都係在於支bass可以幫到你開始學，唔會有任何野令你練習遇到不必要既麻煩與困難為先。

至於Budget，其實亦唔需要買太貴，但亦唔需要怕買貴，如果你肯定自己有心學落去。而且即使你半途而廢，一支有一定質素既Bass係2手巿場唔會令你蝕錢，但一支千零蚊以至冇牌子既Bass係2手巿場又冇乜叫座力。

如果你仲係唔知買幾錢，我建議初學者買$1500 - $4000既Bass。

不過撇除呢啲野，最重要既一點，係一支你啱睇，拎上手亦好舒服既Bass。上手時，留意條頸既邊位同背同你隻左手有冇咩感覺，滑又好鞋又好會入手掌肉又好圓滑又好，總之你鍾意呢種感覺就得。另外右手放係body既感覺亦可以係決定性的，我咁鍾意支Yamaha BB2004，右手放係body既感覺是重點。

2.既朋友好多時都比1.既朋友更捨得花錢，因為佢地都好想可以去模仿自己既偶像。係呢到我既意見你，冇問題，你有錢咪得。而我亦假設你開頭先彈Flea既style，唔會過左兩年又主力走去彈Billy Sheehan果啲。重之你有錢，初學一樣可以為左Flea而萬幾蚊買支stingray。但重點都係要留意，你呢一支bass都要幫到你去學Beginner既技巧，而唔會產生障礙。例如你好種意Stuart Zender，即使你唔一擲萬金咁去買佢支signature，都走去買一支Warwick。但你就要小心Warwick除左聲比較有個性，佢好多model條頸都比較厚，初學者係好有機會因此而遇到學習障礙。

我自己既意見都係，學偶像既技巧、風格，再融入自己既個性，Gear係冇需要死跟的，唔好學啲形式主意既小學雞。我最鍾意既Bass手係John Entwistle、恩田快人、Les Claypool。但我而家既頭號Bass仍然係比較接近Nathan East style既Yamaha BB2004。

以上就係我自己對兩種初學者既一點意見。