本人未到八點已經離開七條油小路，然後由再經尋日行過既堀川通，返方向經西本願寺向四條大宮行返過去，西本願寺作為新選組高峰期既屯所，當然有所要一到。
不過其實都好快可以遊完，但因為其實壬生寺、八木宅等等都要八點半以後先開放，我當等要去島原一遊啦。
惜日既花街柳巷，今日已經不帶半點風情，變成了民居。本人一朝早就係住宅區內左穿右插，去搵島原門牌、去搵角屋、去搵輪違屋……感覺很正點。
最有趣既係，當我係角屋正門之前，舉起相機對焦中途，竟然有位婆婆開門行出黎，佢抬高頭望一望我，眼神有少少奇怪，之後就走佢要走既路。其實，我仲奇怪過佢，乜仲有住人架咩？
接住就當然係重量級既「新選組之墓」壬生寺一帶。不過，壬生寺係另人有一點失望。例如以墓園黎計，其他不論京都還是東京，都係一啲真正既墓園，比較有靈氣，但壬生寺返而係一間有本堂既寺，而「壬生塚」則既新淨又人工化，更唔駛講紀念品銷售處坐正出入口，方便而又煞風景。
壬生寺其實就係光緣寺附近，而行過少少已經係八木宅。八木宅則係一個好傳統既日本史點。入去前買票，入內有叔叔導覽講故，講完之後自已四圍望一望，之後就可以去吃茶（入場費包埋）。當然，係八木宅發生過既事，就以肅清芹澤鴨最為有名。當然，我唔識聽日本，但我都乖乖地聽哂整個導覽。
不愧係名聞遐邇既新選組，八木宅以及屯所（舊前川邸）都有好多紀念精品，商機實在無限。其中更要推介既係屯所，人有佢有，人冇佢都有好多！獨有精品比八木宅更多。如果好有興趣買的話，係其他地方一妨只買專有(其能都只係以八木宅同靈山資料館比較多獨有），其他野都等到去屯所先買。
