休閒消費的一天

第一站：尖咀HMV

主要目標係Bruce Springsteen，但唔知點解好多碟都只有日版，甚至乎連Born In The USA都係，但又唔見我最想買既The River，而The Who既大碟價亦鐵價不二，Deluxe Version動輙二百開外，一時間就咁俾佢打沉，連見到Boss既Live In Barcelona，一般正價都唔想買了……

但臨走俾我見到呢一本書，呢d少見既珍品當然買之而後快。



原價要9.99磅，阿馬遜既特價都要6.xx磅，係尖咀既HMV只需要港幣$65($100 for 2)，真係相當實惠。

第二站：尖咀通利

自己一個人行大半日，其實真係冇乜機會講野。但本人其實一直都係一個好有禮貌既人(！)。我向來俾錢果陣，俾EPS我唔會淨係遞咭的，一定係「唔該用EPS」，正如用信用卡我一定會話「用credit card」(係囉，當解要係英文呢下？)。而俾完錢做最後交通我一定會笑笑口講句「唔該」的，就算係朝早返工人人都黑口黑面咁去買早餐時，我都會用力擠一個微笑出黎講「唔該」的。

今日除左呢d例牌野。我第一句特別既說話係「唔該我想試結他」。試左一枝$6k既J Bass，起初想試佢因見佢條neck比較幼，但彈落手感卻唔好，neck雖幼但又好厚，似枝木棍咁……之後試左一枝Warwick既高價P Bass，但就係唔順手。之後又隨便拎左支5弦既，感覺上又冇上次咁覺得太闊，我覺彈得多10度令到我右手冇咁受個fletboard既闊度影響呀下，但今日我感覺到，我其實真係短期內都冇需要咁多弦的……最後試既係一支over 8k既yamaha，P Bass喎，其實唔知點解喎，本人好似鍾意P Bass既聲多少少，我幾鍾意呢支yamaha呀下……

正係我企起身將支yamaha放回原位時，有一位鬼仔拎起一支warwick同佢朋友講，「I have always wanted to this..blah blah blah...they call it Dark Lord......this is xx, xx, xx, and F#！woo！」之後佢見我行開左，就埋左去個amp，我拎轉身時就問我佢可唔可用個amp，其實呢，我未玩夠架，不過我呢d中國人黎架咪，緊係要自卑下怕下鬼佬啦，咪話「sure！but you have to return the jack to the counter after you finished」……



搵返個spec黎睇，一般4 string Bass既standard tunning係E A D G，當然你係可以tune既，但條線同個tuning peg其實本身都應該有一個穩定性既極限，另起一個問題就係個pickup，未必個個都可以收到去果一個range的。而呢一支Warwick Dark Lord本身係俾你tune做F# B E A，低左兩條線，而佢亦有為呢條F#而設既pickup同埋特粗既String(.175")……好似幾過癮呀下。

不過，我呢d咁既水平，玩住自己支1.9k先啦……

本身想買MC暫時完整既full band score，但去到唔見哂，咁唔買了，新碟又就黎出，等佢解散/活動休止(啋)先買啦下。

第三站：又一城Page One

其睇你見我先去HMV，之後先去通利，都知我冇乜心係尖沙咀行啦……收獲又唔好，最後咪又去返又一城……買左本教唱歌既，其實我都冇乜心機練唱歌的，但我又好想睇下佢講乜。大家都知，我好多野都係知理論但冇技巧的。冇架，睇下囉，練就冇時間同埋懶架喇……另外亦買返馮奇的足球旅程呀下。佢個Master係一年既，又幾好喎你唔好話。

第四站：又一城HK Record

行得去邊丫，黎黎去去咪又係果幾樹。但出其不意，我發現佢又跟HMV入band tee黎賣喎，但口味又真係好鬼唔大眾化，大部份都係Metallica或者Iron Maiden，淨係照顧d Metal友。不過唔怕，佢仲有一款HMV冇既Led Zeppelin，我當然唔放過啦下。

另外，Oasis新碟試聽，好有趣，我聽左頭幾隻既Intro，好有信心呢一隊唔再係當年新鮮及充滿膚淺美既Oasis，但又唔覺得會係令人失望既Oasis，甚至比起我去過live但未聽過碟既Don't Believe The Truth更令我期待。講真，Don't Believe The Truth據聞係Oasis回勇之作，但我聽過兩首，Lyla可以話係垃圾，果一種爛掉了的味道令我想起Bon Jovi而家既唔多Rock既Rock Ballad，搖不起。而Crying the heart out就係當年外表但氣息早已老了的Oasis。

明天，Dig Out "My" Soul。(當然，我冇慳果$2x蚊，要埋件Tee啦)