摔角 - Judas Mesias vs Eric Young

好明顯以我既年紀，唔會係睇安東尼奧豬木/虎面人/君子馬蘭奴果d年代既摔角手。最先睇既，當然係亞視既週末摔角大狂熱，果陣播既係WCW，渣流灘得好緊要既。果陣主持有文雋同成日係節目到著哂短裙既鬼妹仔譚筠怡，旁述就有化名籮文離開左有線冇耐既林曉峰。

之後係有線就有睇下ECW，講既有丁偉傑同埋前港隊門將沙皮劉棟平。之後就有豬肉人同神奇女俠主持既日本摔角，聯盟名就唔知了，果陣打既有好似蝶野正洋、武藤敬司、長洲力果一代。

嚴格黎講我唔係摔角迷，但其實我覺得摔角真係好鬼好睇，摔角手性格塑做、招式創意已經夠好玩，加埋d真人做雜耍、出其不意既plotline，真係好有趣。間中仲有D都真係打得好癲，睇ECW就真係見過有條人拎個刨出黎，睇住佢係個台上面刨人個額頭刨到出哂血，真係兒童不而。

就好似早兩日唔覺意夜晚係now睇到呢個TNA，我睇wcw時最鍾意既Sting而家都係打緊呢個，呢個Eric Young 由一行出黎已經交足戲，俾呢個成隻鬼咁、帶住冇眼珠con個口仲要吐住血既Judas Mesias嚇到面都青哂，之後俾佢打到爆哂釭成頭血，但果個以魔鬼殘酷形象出現既Judas Mesias仍然不停打頭，睇到我都真係有D驚驚地。