第一位衝出太空既太空人係……

加加林！

其實我係想講嘉琳。

今日係報紙見到佢個專欄，講起陳冠希有一首歌有女聲唱粵劇腔，我第一反應，當然就係：「北京一夜」！當然，你可以話北京一夜果個其實係京劇腔……

當我睇落去，果把女聲其實就係佢，而佢亦直接講出呢個做法唔係新野，提出呢一首陳昇+彭佳慧既「北京一夜」就係佢自己既參考。

我喜歡佢。做音樂既野參考、抄考從來唔少，邊個係你既靈感來源，邊個係你偷師既地方，你認左佢又有幾難？講乜野自己首歌同Bo-Rhap都係Prog Rock所以聽落相似云云？

講起陳冠希，似乎而家一邊食肉一邊認真做音樂，好事黎架，我雖然唔會聽，但收到既消息一樣寄在案中，「留下眼留下耳陪著自己不給你」既陳冠希成為往事，係任何人都希望見到的……只因當年太不堪……

講起北京一夜，就要講我愛台妹。講我愛台妹，就要講金曲獎，上年金曲獎MC Hotdog及張震獄及侯佩岑一齊表演既我愛台妹之精彩仍然意猶未盡，原來咁快已經又一年。今年仲要係由對流行樂壞媽媽叉叉既熱狗拎最佳唱片，不可謂不令人意外。

真的是受招安嗎？依我睇倒不用介懷。邊個唔需要駛用？唔一定要對著幹才是梁山好漢的。拎佢著數但眼見有乜問題仍然抽水，何樂不為？