屌！今日又俾人搞！
不過我當然知我一定會俾人搞架喇，果幾條爛仔次次都搞我架啦！想落我面？但我今次有準備呀，我唔理佢講乜，總之佢一開我波，我就還拖，我駛理佢問我乜呀？你估理性討論真係解有邏輯地討論呀？香港老百姓睇政治新聞從來都唔係講邏輯，係講感覺架咋傻仔。你隻癲狗吠我，啲人就覺得一定係你唔啱架啦！你係街會唔會無啦啦吠人丫？唔會丫嘛！所以我都費事睬你。
拿，你睇下啲網上五毛留言丫，個個都話你班犯民，拎左錢就借啲兒唔開工射波呀！你話邊個啱邊個錯丫？
由頭到尾，呢班人就係搞唔清楚香港既核心價值係乜。民主？言論自由？法治精神？通通都唔係。香港既核心精神就係向上爬、要發達同埋唔好阻人發達。你估香港有今日靠乜？你呢班人自己冇心發達，都唔好阻人發達丫嘛。搞遊行搞示威阻街都唔夠，仲要明目張膽射波，你話係咪戇鳩丫？我地做狗官……做官既就射左波都冇人知姐（你睇下財爺份財政預算案，你信唔信佢係日日嘔心嚦血做出黎？嘻嘻），你地唔同喎！離場？人地理得你咩原因咩！
就拎癲狗黎講丫，次撚次都做鳩我，問埋啲問題又難答。次次答問大會都吠鳩本人。好喇，啲人睇新聞見你俾人趕出去，咪就屌你次次開會都俾你趕走囉！拿！呢啲咪唔識做囉！你開會出席率高又點？平時成日發言又點？身兼幾多個事務委員會又點？做埋資訊科技及廣播事務委員會主席咁又點？多餘！做左咁多年香港人都仲係唔識打工。邊個做得最多野老闆鳩知咩？好野佢地都唔會理，醜野先去理架嘛！你射波射得咁肉酸，佢唔屌你屌邊個？你睇下小霍，大把人連佢係立法會議員都未知呀！邊個老百姓會屌佢呢？呢啲咪醒目仔囉！
咁講返轉頭，我老闆又唔係啲老百姓，我老闆係北大人丫嘛！好喇，港人治港，你話我老闆係選委會班多數派權貴先真，都啱。做野就係向老闆交待，我當然以老闆為先啦。問題係，老闆唔係要我服務啲客公平公正，而係要我將啲客既錢吸去佢地到。我做得幾好喎。問下自己良心，香港人有邊個唔係咁丫，你地話係咪先？我從來唔做違背良心既事。
好喇，今朝你問乜我都唔想答你，我而家就答你。咩孔子、阿里士多德果啲我唔講喇！大佬我做行街出身架咋！哈哈，開玩笑之嘛，係就係，環境問題咁解。其實我舊時讀書都幾叻既，考試好高分架！不過你講果啲考試唔考囉，我鳩知咩。問心，你老母你教大學架，講呢啲我點夠你講，係咪先？但我有香港精神丫嘛！做人最緊要識撈，我撈到做特首呀你老母！你個黑底又爭人錢又俾人炒，淨係識拋書包兇我有撚用呀？而家我話邊個做宰相就邊個做！你吹得我漲咩？呢啲咪唔識分莊閒囉！咪要俾蛇頭鼠眼趕左出去囉！不過咁喎，我同佢冇夾過呀，佢自己識撈之嘛！你睇，又一個醒目仔緊遵香港核心價值，高下立見。
咁講返，點解要揀個太監做宰相，咁啲老闆鍾意佢，佢舐我鞋底又夠乾淨，咁又有乜所為？你啲老百姓點諗我唔理啦，我又唔係普選出黎。再講，大把太監都係權傾朝野架啦！李蓮英呀，高力士呀，魏忠賢呀，常遇春呀，劉伯溫呀……話時話劉伯溫係咪太監黎？是但啦，我番書仔黎……返正我知常遇春同其他幾個就一定係！太監掌權係朝代覆亡之兆？咁我都冇得撈啦，關我咩事？
夠鐘訓，聽朝早啲起身睇下點報紙點讚我都好呀……用iPad睇啦緊係！
No comments:
Post a Comment