唔駛偷聽的男人心 (1)

嘩，偷聽男人心節目出街，社交網絡界當然好大迴響。

好多人從好多唔同角度去講。係twitter或者facebook都好多回應，其中真心有好多人拎住香蕉俱樂部既Bob講換燈膽果一到黎講。

Bob講果一度，係話佢老婆識得氹佢，換一個燈膽就讚佢好叻。換一個燈膽係咪好叻，係咪值得一讚，其實大家都知道唔係重點。重點係兩個人既溝通之道，佢老婆識得令到佢覺得好舒服。

兩個人要溝通舒服，唔一定要換個燈泡都讚叻，呢個係例子，唔係論點呀下。

我自己睇黎，整個節目大家講既重點其實亦只係響呢一度，唔同男人所講聽落唔同既point，其實重點就係香港好多女人好容易令人唔舒服。好勝心強，傾傾下就鍾意認叻、自尊心強要面子、任何場景地方都可以亂發脾氣、唔肯付出、冇興趣就傾多句都費事唔識尊重人……

就算你外表幾靚，外在條件幾好，呃到幾多人追你，但相處時極唔舒服，一樣好容易散。(我都未計追女仔只係玩玩下，呃蝦條，一開始都冇諗過會同你結婚果啲)

講返轉頭，係facebook所見，有啲仍然未婚未拖既女性，依然係不停「我想要……」「想我點，咁你就須要……」就算你既要求係唔駛有錢唔駛靚仔，只需要有頭髮，但你同佢相處時仍然係「我想要……」「想我點，咁你就須要……」總會令對方吃不消的。

有錢人、靚仔、無頭髮既人，都多過被精神被虐狂。

女人既問題。咁男人既問題當然都有，我都見好多添，有心機先講。