寫得太慢，算啦，寫少d字。
去左近江屋之後，其實我係河原町烏丸一帶亂咁行，當時冇拎本新買既新選組見聞錄出黎，完全係失敗之作。搵左好一段時間我都搵唔到池田屋遺址，甚至對自己一向頗有自信的方向感都開始懷疑，但總算誤打唔撞搵到渣拿，唔覺意咁到左三條的下木屋町。
長州藩士桂小五郎，維新三傑之一
佐久間象山紀念碑
佐久間象山屬於重量級既開國論者，因此亦成為尊王攘夷派既眼中釘。下手既係肥後藩浪士河上彦齋。每一次講到河上，就會提到佢係漫畫浪客劍心既緋村劍心原型。河上彦齋係幕末所謂四大人斬之中最有思想的一名(諸如岡田以藏、田中新兵衛可以話只係殺人機器，中村半次郎有軍事才能，但相比河上亦思想上亦有不及)，而其最後亦係維新過後，忠於自己思想欣然赴死，亦令佢係幕末人斬之中比較受人欣賞的一人。
就係呢到……「龍翔閃！」 :D
之後我陪住桂小五郎坐左一陣，因為光緣寺比較早閂門，我爭扎左好耐，繼續係三條磨，定係去坐車去四條大宮好呢？去到又要搵……又未必夠時間去哂d地方……
最後我都決定搵巴士搭去光緣寺。
光緣寺
去到，我搞左兩分鐘左右先搵到門鐘。係我按門鐘之後，主持就走出黎……
主持：Shinsengumi?
我：係（自以為日文，其實係廣東話）
主持：Shinsengumi?
我：係
主持：€£€*€-*!!£!!€•%-}{＞|{＞¥¥? (日文)
我：......
主持：£%-＞¥~~%-+%%€* (日文)
我：i don't speak Japanese
主持：哦！...¥€%*-#%¥%%€ (日文)
我：....... (心諗：都話唔識日文咯......)
主持：是不是中國人呀？
我：對！
他是在玩我的……
不過住持好好笑，日本好多人都好有禮貌，但光緣寺住持既笑聲是最真誠的。
尤其當本人雞手鴨腳掏一百yen出黎既時候，佢爆左句中文「乜搞成咁呀」……我同佢都忍唔住笑左出黎。
山南敬助之墓
所謂新選組之墓，其實主要都係山南總長。山南總長雖然唔係近藤、土方、沖田、井上呢個密不可分既圈子，但起碼亦係自從試衛館以來就一齊既幹部，難以想像點解佢會脫隊逃走。總而言之，山南總長被下令切腹，由沖田總司介錯。據說山南係當時光緣寺主持既「老友」，所以佢墓地亦設係呢到。
係小小光緣寺行一個圈，但都已經好晏，附近既八木宅、壬生寺都閂左門，而我決定由四條大宮行堀川通去京都站，有幾遠？自己去google map下，但去一個城巿到底係點樣，除左旅遊景點以外，其他地方都行過睇過，先會有一個更強烈既印象吧？
No comments:
Post a Comment