男：「X，幾十蚊，唔駛咁婆媽啦，下次你請囉咁。」
女：「即係我唔係話小氣呀，我唔係話為左五蚊記到而家呀，I mean，做人咁樣唔得架喎，你咁好似搵緊我著數囉，我真係唔係話為左五蚊囉，我不嬲都唔會斤斤計較，我只係想你知道做人唔可以咁唔清唔楚。」
我：「咁，你係咪即係仲記住個五蚊先？」
----------
男：「哦，冇所謂，一齊做囉，有乜所謂丫，我AL三條C好巴閉咩你估，咪又係X撞返黎。」
女：「Well, 你明唔明呀？唔係我睇唔起人呀，你都知我唔係咁既人黎架？You know？我唔係話我三條B睇唔起你三條C呀，但係，你做乜要群埋d三條E既人到？我唔係話乜，但你明唔明個Situation係點？Anyway，我淨 係想話俾你知，David約我禮拜六去睇戲，佢三條A既囉。」
我：「哦。」
----------
男：「人工少？捱捱下可能會有好轉呢，而家咁既環境，希望在明天丫嘛，總之努力工作係啦。」
女(手執Prada)：「我唔係話貪錢呀，你知我都唔係貪錢既人黎。但你明唔明姐？Winnie個男朋友U grad出黎有30K人工囉。我唔係話拎你黎同人compare，唔係話要face呀，我唔係話要你好top，只係唔想身邊果個at the bottom咋。你都要睇諒下我，我都有感覺架。丫，By the way，David今晚約我去食飯，我有冇同你講佢最近加左人工，搵50k per month，what do you think？」
我：「你扯吧啦。」
----------
OKOK，I know what you think， 我唔係話有性別歧視， 我只係覺得funny，女仔比男仔多會係咁。有時女仔……OK，有時人係會好常冇睇清楚自己既行為同性格，但又label一個漂亮好多既identity 俾自己，總之係成日唔會正視自己。你見女仔嗌口號係多過男仔—「我要做女強人！」「我要做現代女性！」「我係好堅強既！」。It's as simple as that。By the way, 點解我突然係咁中英夾雜架呢(仲要打英文用句號！)？I don't know, maybe要扮U仔啦, you know。
黎，又黎邏輯堂。我話some，冇話all，唔好同我講「唔係全部女仔都係咁」「你班仆街男人都係咁」黎同我拗，其實你真係講得0岩，因為我都冇 咁講過，唔好上我綱上我線。(不過，不如大家一齊又審視下，你話自己唔小氣唔貪錢唔會睇人唔起前，係咪其實都只係自己得個up字。)
仲有，唔好話我講完又要縮，我真係冇講過全部女仔係咁呀下。我淨係，想與各位有共鳴既男性一齊慘然一笑。
丫，知唔知乜係男與女？其實係叉雞&拉柴既碟名。
題外話，呢篇野係睇完報紙後有感。
No comments:
Post a Comment